الشعر بالنسبة للشاعر محمد حمود الحري السبيعي هو مزيج من الغريزة في أرقى درجاتها .. والإحساس في أعنف ثوراته .. أضف لذلك خيال الشاعر وسحره مع روعة الإبداع ..
احببت ان انقل لكم ماسقط في يدي من قصائد الشاعر محمد الحري لكي يطلع عليها أبناء القبيلة ..
وحفظاً لحقوق الشاعر الأدبية..
هذه مساجلة بين الشاعر محمد الحري وابن محيا
أمس الضحى عديت روس المشاريف
رقيت لي رجمٍ طويل الرجومي
لوحت بالملواح لاشك ماشيف
من دونهم حالت بعيد الحزومي
يابومحيا ديرته يمة السيف
أشكي عليك الحال كثرة همومي
من لابةٍ يروون حد المراهيف
عتيبة الهيلا تسد اللزومي
ياونةٍ ونيتها بالسراجيف
ونة كسيرٍ طايحٍ وسط قومي
ذبحت جواده والجهد عنده ضعيف
قامت تواماه الحرار القرومي
عليك يازين النبا والتواصيف
غضٍ غضيضٍ كاملٍ بالسلومي
يازين يامجمول ياضامر سهيف
ارفق ترى منكم سطابي سهومي
مركب غرامي فوق موج وعواصيف
يفتر به موج البحر والسمومي
ورد ابن محيا
هات القلم بكتب مثايل على الكيف
مثايل من ضامري والعزومي
حي الجواب اللي لفاني بتوصيف
توصيف غروٍ قال منه محرومي
يامرحبا به عد مايمطر الصيف
وعداد ما تمطر مزون الغيومي
اللي لفا بالخط محتاج تعريف
الجود طبعه والوفاء والسلومي
من لابةٍ يوم الملاقى سواريف
من فعلهم تشبع طيور تحومي
حريبهم يروح خسران ومعيف
تضيع هقواته وراح محمومي
بني عمر اللي لهم بالمواقيف
يشهد لهم بالطيب ولهم قدومي
لا باس ياللي تشتكي من تخاليف
تشكي لنا من حب زاهي الرقومي
من دش بحر الحب يالقاء التكاليف
يصبر على ماجاه ولاينومي
أنا معك بالحال والمال والسيف
رهن الإشارة جاهزٍ للهجومي
إنجهز الفزعة بجيش مراديف
ونذلل الصعبة ولو هي قحومي
وأنا بعد في الحب جالي صواديف
فاتت لنا مدة نطيح ونقومي
تعبت معهن ضامرات السراجيف
ولا حصلي كود هم وغمومي
لانامت العالم تجيني تصانيف
قضيت عمري بالحزن والهمومي
وقد كانت له مراسلات مع احد الشعراء الذي كان يصف بأن خله (( قائد الريم ))
فكان رد شاعرنا بأن (( خلي يقود خلك )) بهذا البيت
يقود قايد ريمها ظبي الأطعاس
جفلٍ عنيد الصيد حذر المصايد
وإليكم رد شاعرنا محمد الحري كاملاً
حي الجواب اللي لفاني من الراس
أبيات شعرٍ ولعنبي وقايد
سهرت أنا البارح علشان هوجاس
أنثر دموع العين واكتب قصايد
في ليلٍ مابه يامحمد من أوناس
راحت شطون الفكر مني بدايد
ذكرتني عصرٍ مضى لي به وناس
وقتٍ مضى يوم السنين الشدايد
لاباس يالي تشكي الحب لاباس
تشكي هوى خلٍ ولريم قايد
هذي سوات العشق في ساير الناس
ناسٍ خذت ناقص وناسٍ بزايد
وانا بعد في الحب خذيت مرواس
ولاجت لي الدنيا على كيف رايد
ان ما حصل لي وصل خلي بنوماس
بصير من بعده طريح الوسايد
خلي بزينه جوهرٍ كنه الماس
في جيد زينات المعنق قلايد
يقود قايد ريمها ظبي الأطعاس
جفلٍ عنيد الصيد حذر المصايد
وان كان تامرنا على العين والراس
علمٍ عليه من الوقاعة وكايد
حنا هل العرفا بعيدين الأرماس
نلم ولف قلوب شمله بعايد
نقطع بسيف العز جمجمة الياس
لين الدماء تروي السيوف الحدايد
أبشر بخلك لايجي البال منحاس
نجيب خلك لو تكود الكوايد
وسلام يامحمد عدد كل نسناس
وعداد ماهز الورق في الجرايد
ولإن رماح العشق الأول للشاعر محمد الحري فإليكم قصيدته بعنوان
ياماشيٍ لرماح
؛؛
؛؛
البارحة سهران ما جانـي النـوم
قلب الشقا هيض علـي الهمومـي
؛؛
؛؛
يا زين ما ترحم ترى الحب مسموم
سمٍ يسـم الحـال سـمٍ سمومـي
؛؛
؛؛
يا ماشيٍ لرماح وصّل لـي علـوم
وصّل سلامي يم زاهي الرقومـي
؛؛
؛؛
اللي غلاه بداخل القلـب مرسـوم
لا سلهمت بالعين ما حرزت أقومي
؛؛
؛؛
أشقر حسين اللون مجمول محشوم
عندي غلاهـا واصـلٍ للنجومـي
؛؛
؛؛
ما نيب في حب أدعج العين مليوم
أجاذب الونـات فـي كـل يومـي
؛؛
؛؛
جعل حظ العواذل ينقفل بابه
وين خلي يجيني من يجيني بـه
جعل حظ العواذل ينقفـل بابـه
أدعج العين بانت بي مضاريبـه
ناعس الطرف جوّد في مضرابه
غصن ورد هبوب النود تومي به
فوق نهر من الماء شوق جذابه
مع نسيم الهبايب فايـح طيبـه
ريحة المسك والكادي من أطيابه
تاخذ قلوب أهل الهوى بالهواجس
أبو عيونٍ سود حـورٍ نواعـس
مّعذور شعري فيه لا قلت ولهّان
سودٍ هدبها كنـه الليـل دامـس
لان الهدب موقه من الكحل مليان
تاخذ قلوب أهل الهوى بالهواجس
وتعطي القلوب الميته كل وجدان
وهذه قصيدته في رثاء الشيخ محمد بن مقذل الحري رحمه الله راحمةً واسعة
البارحة جريت بالصـدر ونّـات
على ابو مقذل يوم جتنا العلومي
على جملنا اللي يشيل الثقيـلات
يشيل حمل مقصرات العزومـي
من عقبكم ما نبكي الحي لو مات
جعل الزلايب عقبكم ما تقومـي
ليته فداه أهل العلـوم الرديـات
ليته فداه من الجبان الرخومـي
عساه يدخل ياسعد سبع جنـات
وصلاة ربي عد منشى الغيومي
وهذه بعض القصائد لشاعرنا محمد الحري لم أجد بقية أبياتها فجمعتها لكم تحت عنوان
مــحــمــديــات
الهوى يا حبيبي حاكـمٍ جايـر
وانت لك يا حبيبي مني الطاعه
أتجنب دروب العشق واسايـر
خاطرك ياقمر يضوي لي شعاعه
كنك الظبي يجفل من هوى طاير
راعيٍ في مفالي نجد وزراعـه
قايد الريم دايـم جافـلٍ ذايـر
ما يجي بالقنص من لايعٍ لاعـه
والعيون اللي بها سيوفٍ خطاير
كل وحده تقول الموت ذالساعه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
يالله المعبود ياعالـم بحالـي
يا عليم بالخفا في كل حينـي
سافروا ربعٍ يفكون التوالـي
يلطمون الشّره والقاسي يليني
ساهرٍ يامنير واعـد الليالـي
ياعسى الغيّاب بشراهم تجيني
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
أربع ليالي بين الأهرام والنّيل
مرّت عليّه كنّها ربع ساعـة
خوّة عبير وخوّة النيل والليل
أخّير من خوّة رديّ الجمّاعة
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
كريم يا نـوٍ نشـى لـه مزونـي
ترعد وتبرق والمطر مالـه قيـاس
عساه يسقـي دار غـروٍ حنونـي
ويسقي الفياض اللي من العام يباس
غروٍ غرامـه ماحصلـي بهونـي
وعليه قلبي صار يحمس بمحمـاس
لو صحت بعلا الصوت ماتسمعوني
حب العذارا حط في القلب وسواس
منقول