[نجم الغلبا]

السلام عليكم ورحمة الله وبركاته\

اطلعت قبل قليل على قصيده للاخ ابو نواف الثوري على هذا الرابط

http://www.sobe3.com/vb/showthread.php?t=6487

وقد ذكرني بانسان عزيز علي وعلى كل من يعرفه\وهو المرحوم دخيل الله بن ناصر بن عجيان الملحي السبيعي
ويمكن انا يا اهل جده نعرفه اكثر بحكم انه رحمة الله من سكان جده

ويوم قريت قصيدة ابو نواف تهيضت بهذه الابيات واحببت ذكرها في ابو ناصر رحمة الله\وهي محاوله شعريه واتمنى ان تحوز على رضاكم
ولاتنسون تدعون له بالجنه فمن عرف ابو ناصر رحمه الله يعرف قيمة من فقد

اقول فيها


دخيل الله اللي ذكر بالخير والطيبه
انشهد اني فقدته منبع الطيبي
يضحك حجاجه يكثر في تراحيبه
ماهوب دايم حجانه مقاطيبي
حر(ن) حليم(ن)عطيبات(ن) مضاريبه
مايشتكي الجار من كثر المطاليبي
مرحوم ياللي لامنه عوا ذيبه
يعم خيره ضيوفه والمعازيبي
قرم(ن)صدوق قليلات(ن)عذاريبه
عذروبه الطيب ويجنب عن العيبي
يالله ياللي عليم وعالم(ن)غيبه
تدخله في جنتك يالله يامجيبي