---------------------------------=
أبو يزيد=
--------------------------------=
سلام تسليمـة وفـاء يارياجيـل=ياعيال عمي يالقـروم المشاكيـل
ياهل الكرم والسيف والذود والخيل=ياماحلا هرجااا من الراس للراس
نادولي الشيخ مصلح ياجماهير=تلقون مصلح على كور المطيه
شاعر ولايارد الاجمـة البيـر=مايشرب الا من عدوداااا رويه
-----------------------------------=
مصلح ربح=
----------------------------------=
ابك البقا يا صلـب جـدي وحيـاك=وحنا حضرنا يا ابيض الوجه لرضاك
وارضى رجال العرف مثلك وشرواك=يا ما حلا هرجاً من الراس للـراس
حنا حضرنا واجبنا داعي الخي=رولهل المعرفه نصب الشاذليـه
يا بو يزيد انت خيال المعاشير=عند المواقيف مقدام السريـه
---------------------------------=
أبو يزيد=
--------------------------------=
الناس يامصلح لها عـدة انظـار=والسوق ملياناااا بضاعه وتجـار
والعرف لاهل المعرفه وآهل الكار=ياماحلا هرجاااا من الراس للراس
الليل يااللي تقودون الطوابير=لاتطفي النار دام النار حيـه
يامصلح انكان للاحلام تفسير=فسر لي الحلم وابشر بالعطيه
-----------------------------------=
مصلح ربح=
----------------------------------=
السوق يبغالـه معرفـه وتحكيـم=يبغا من اهل العرف والصنف تنظيم
وبعده يبين العلـم لاصـار تقييـم=يا ما حلا هرجاً من الراس للراس
الليل بيزين مع طول المشاوي=رلاكن صف الحروف الابجديـه
مرر لي العلم يا ذيبان تمرير=وان مارمعته يصير اللوم ليه
---------------------------------=
أبو يزيد=
--------------------------------=
عينـت يامصلـح مديـر الاداره=امس(ن) هنا واليوم ياوين داره
مغير من حاره لحـاره لحـاره=ياماحلا هرجااا من الراس للراس
متى متى تنتصر ياسالم الزيـر=عامااا ورى عام ماانهيت القضيه
أتعبت نفسك وتعبـت المداويـر=وشككتنا فيـك والذمـه بريـه
-----------------------------------=
مصلح ربح=
----------------------------------=
اسمحلي اهمس باذنك بكل ادب همس=واقول وش مقصد تجاهلك قبل امس
حاجه غريبه بعدها خاطري عمـس=يا ما حلا هرجاً من الراس للـراس
قبل امس نجبت لي بعض الاساطير=مـع العرينـي مناديبـك قـويـه
هات الاجابه عسى اللي مانعك خير=صاحبك تنسـاه وتجـاوب خويـه
---------------------------------=
أبو يزيد=
--------------------------------=
ابيض وجه ياعزوتي يابن عمي=وانا اشهد ان دمك يطابق لدمـي
لكـن لاتهتـم وتزيـد هـمـي=ياماحلا هرجاااا من الراس للراس
قدرتني وانت لك حشمه وتقدير=ويكفي جوابي ومردودك عليه
واليوم انا اسوقلك كل المعاذير=وآبعتذر منـك وادق التحيـه
صحة ألسنتكم واصلوا وحنا معاكم :)