بسم الله الرحمن الرحيم
اخواني مشرفين واعضاء وزوار منتديات سبيع الغلباء
السلام عليكم ورحمة الله وبركاته
هذي قصيدة اخي ورفيق دربي الشاعر فالح السبيعي الموجهه لي عبر هذا المنتدى
بعنوان (( الله يحي الشعر والله يحييك )) .... وهذه تحسب للمنتدى الذي من خلاله يكون
الاتصال ببعض الاخوان والعزيزين علي جدا وعدم الانقطاع عنهم بأسباب خارجه عن الارادة
..... مثل اخوي فالح السبيعي الذي بمعرفته وبأخوته لي شرف افخر به في اي
مجال للفخر ولو لم اعرف غيره من الرجال الطيبين لكفاني ( من غير قصور فالاخرين ).
الله يحي الشعر والله يحييك = والله يحي الساعه اللي لقيناك
شاعر وعذبات المعاني معانيك = والشارده بحروفها ماتعداك
يابوفهد والله ماني بناسيك = لكن ظروف الوقت ماهيب تخفاك
تحدنا بعض العقود الشرابيك = وعن من توده يخلف الوقت ممشاك
الله يجنبنا دروب المهاليك = ويغفر خطايانا ويغفر خطاياك
يامحزمي ياعزوتي يوم أناديك = كله لأجل تجبر ظروفٍ تحداك
في جدول الأعمال سجل محاكيك = ساعه ما دام إنه له سنين ما ألهاك
ياصاحبٍ نفرح بشوفك وطاريك = ياشاعرٍ سقت المشاعر لطرياك
الله يحي الشعر والله يحييك = والله يحي الساعه اللي لقيناك
والشعر ماهو للرخوم الصعاليك = الشعر لأهل الطيب مثلك وشرواك
الشاعر / فـــــــــــــالح السبيعي
وهذا ردي على اخي الشاعر فالح السبيعي
الذي اتمنى ان ترقى لمستوى قصيدته فقط
اما الى شخصه الكريم فلا يرقى الى قدره عندي
اي شيء يمكن ان اقوله فيه لو الفت فيه معلقات
يدوم عزك ياعسى الله يبقيك = يامن رقيت المجد بأفعال يمناك
يالشاعر اللي شوقتني قوافيك = وخلت بنات افكار شعري تغناك
ياخوي انا لو قلت بالحيل مغليك = كلمه بسيطه ماتجي حول معناك
انت الصديق اللي رفيعه مباديك = ورثت طيبك ورث من طيب مجناك
وانت الرصيد اللي مجير على شيك = ياذخرنا اللي للشدايد ذخرناك
حقك عليّ وواجب اني انا اجيك = وياطيب بعض الوصل لو كان عناك
الوصل للي مثل شرواك يشفيك = ماله بديل وعنه ماغيره أغناك
اقبل تحياتي وعذري وانا اخيك = خلتني الدنيا هنا وانته هناك
لكن انا واثق ليا جيت ناصيك = انك تقول لجيتي هيّه امناك
بنيت يافالح وعزت مبانيك = وعلى النقاء حطيت فالصدر مبناك
ابـــو فــــــهــد
وســـــــلامتكم....,,,