[ابن جمل]

هذه آخر قصائدي الغزلية التي أحببت نشرها آمل أن تحوز على رضاء المنتدى المحترم وزواره المحترمين وهي بعنوان :

لحظـة بأنشـدك

يا اللي خذيت الفكر وأقفيت به عني = بالله لحظة بأنشدك وين وديته
عساه بضيافتك يا زين متهني = تراك عن باق الأزاويل صديته
أنته وفي يا زين ما يختلف ظني = وإن خاب ظني حول رغبتك سويته
قل لي عيونك ليش لا أقفيت يدعني = يا ناقض المجدول يا من تمنيته
يا ليت ربي جابك قريب{ن} مني = هرجك حلو وأسلوبك أحلى وحبيته
يا صاحبي لمسات جسمك يكفني = وإن كان ما كلف على الصدر ضميته
طولك وسط ريان ونهود يزمني = ومدغبج الكفين من سلم أشفيته
خصرك نحيف عيونك اوساع يا فني = وش ذا الردايف؟ حظ من سرت في بيته
خدك جميل وضحكتك حيل تفتني = ما غير أدور ومنزلك ما تعديته
يا لابس الكعبين مشيك يهيظني = ما لك شبيه ولا حلي{ن} تحليته
أخشى على سمعتك من هرج متمني = كم واحد{ن} مقهور وإن حاول أعميته
وإلا السوالف مع هوى البال يغنني = أنا أعتبرها مكسب{ن} ما تحريته
ما تدري إن طيفك ليا نمت يحضني = وأصحى وأغمض خايف إن قمت سريته
لحظات عمري كيف ما عاد يسوني = تطري علي علوم وعلوم لو جيته
وأفكار تطري لي وأفكار حدني = لو كان حب حبيبي ما تناسيته

مطــوع بن ناصــر بن جمــل