[آل سعيد العريني]

الحمد لله على السلامه أخوي سهم
ترى هالديره جنة الله في أرضه ..... حتى الشعب هنااااك وش حليلهم محد يطالع أحد أبد
وهدووووء ما بعده هدوووء وأمان
ترااها ديرة الوزراء والمشاهير بعد ما يتقاعدوون من دول الدتش ( ألمانيا - سويسرا - النمساء )
أي وزير من هالدول يووم يقرشعونه يروح للنمساء ويعيش باقي عمره ... من كثر ما فيها من راحه وامان
أنصح أخواني ألي بالمنتدى كلهم يروحون يشوفون هالديره ... أنا أكثر من كذا مره أروحلها ولين ألحين ما مليت منها ..... عكس باقي الديار بأوروبا ألي معطينها الناس أكبر من حقهااا .. مثل باريس .. مطيرينها العالم بالسمااء
ولا فيها شئ .. ديره مليانه خليجيين وإذا إمتلت خليجيين معناتها بتمتلي حنشل وحراميه
ومليانه من المغاربه والتوانسه .. هالي جالسين هناك لا شغله ولا مشغله .. ما غير يترقب بهالسياح الخليجيين
الوكاد أن النمساء تستاهل وألي يبي يروح ل فينا يسكن بهالفندقين :


راديسون ساس .. عندهم سويت دورين يعني ينفع للي عنده بزارين واجد .. وفيه مكتب سياحه تحت جمب اللإستقبال صااحب المحل هو ألي يشتغل فيه جنسيته مصري وأسمه إيهااب .. أخلاقه حلوه وعنده رحلات
سياحيه حلوه

الماريوت .. جمب فندق الراديسون ساس جدار بجدار

والفندقين ذوولي الزين فيهم موقعهم الإستراتيجي ... قبالهم عبر الشارع حديقه تاريخيه فيها بحيرات
صغيره .. حلوه ونظيفه وخضرا ... وورى هالفندقين شاارع معترض كله أسواق ومطاعم وقهاوي
يعني الدعوه رجليه كلها

وبالنسبه للمساجد هناك فيه مسجدين واحد بانيه الملك فهد بن عبدالعزيز رحمه الله
والثاني بانينه إماراتيين ...... بس بعيدين شوي .... صلاه الجمعه تطلع قبل ساعه عشان توصله