[العبيدي الغامدي]

هذا رد الشاعر الفديع بن عبيد بن باحص السبيعي

يامرحبا وعداد ممطـر سحابهـا=واعداد من زار الحرم واستعابهـا
وعداد ماناحت على العـود ورقـا=في ساعة ما كـل حـي درابهـا
ترحيب احلى من حليـب المتالـي=وأحلى من الماء للدريك وزهابهـا
ببيات شعر قالها راعـي الوفـاء=انا اشهد انه صاغهـا واعتنابهـا
انا اشهد انه يـوم قـال المعانـي=في منتهى الابداع ليـن انتهابهـا
سيـس معانيهـا ولا تـاه فكـره=تهتـال لاقـال المعانـي وجابهـا
تجيـه شردهـا مراييـع لانــه=يـروض الشـرد ليامـن نوابهـا
عايض ولد زايد زبـون المجنـى=من لابة واسعـد مـن اعتزابهـا
لاجاهم الجاني رجع راعي الطلب=ينجـا ليامـن انتخـى والتوابهـا
غامد نهار الكون ترهـب عداهـا=عدوهـم دايـم لـك الله يهابـهـا
يامعرب الجدين ياراعـي الكـرم=جتنـي بيوتـك يامعنـي ركابهـا
تشكي من الدنيا كفـى الله شرهـا=ياكم وكم يامسنـدي مـن غدابهـا
ياكم وكم ناس جميع علـى النقـا=تضحك لهم واثر البلاء في عقابها
وياكم سعة بقراق نـاس تجمعـوا=واصبـح لكـل ديـرة وانتحابهـا
دنيـاك هـذي لاتغـرك لياقبلـت=مثل الهنوف اللي تزخرف ثيابهـا
اليا ضحكت ياعايض القرم ساعه=لا تنخدع يالقرم في ضحك نابهـا
هذي هي الدنيا ليـا زان ونسهـا=اتكـدره يالقـرم يكقيـك مابـهـا
وخويك اللي عنك قفى به الزمـن=كالسله اللي طاح عنهـا نصابهـا
اقفتبه ظروفه عقب كـان عنـدك=يقطعـك يادنيـا سريـع انقلابهـا
اللي سواته ينطمـع فـي مخوتـه=مثل الجبال مزبنت مـن رقابهـا
لا صار هو كفو ومن راس لابـه=وسوق المراجل باعها واشترابهـا
هذا الـذي يبكـي لامـن فقدتـه=النـادر اللـي هدتـه ينغزابـهـا
ذخر على الشدات لا شان وقتـك=محزم ظفر في ساعـة يندعابهـا
يشفيك لامن صكك الوقـت جالـه=يقنب ليـا قامـت تقانـب ذيابهـا
هذا وانا اللي يابو زايـد مجـرب=اصحابي اللي لاهقيـت انهقابهـا
خذنا سنينـا كانهـا ايـام عندنـا=ماحد تسمع هرجة اللـي وشابهـا
نضحك ولا ندري وش الوقت ناوي=ياشين فرقـا ماحسبنـا حسابهـا
جربت خـلان الرخـى والشدايـد=واخذت درس من الليالي وادابهـا
دنيـا دنيـه ماتعـلـم بغيبـهـا=الرابح اللـي يالظفـر ماشقابهـا
واقبل تحياتـي بعـد جـاك ردي=وارجو السموحه يامعني اركابهـا