هذا القصه ارويها لكم لمى للماضي من اشجان ولما الماضي من بسطه بين العوام حيث لاحسد ولانقنقة ولاكلام فاض الجماعة يد وحده وبيتهم واحد يتعزبون فلان ويتقهون عند فلان من الناس وكان في الرياض مثلاً عدد محدود جداً من بيوت الجماع واذا نزلو للرياض يتعزبون عند فلان كانه احد اخوانهم واكثر
والقصه:-
كان جربوع بن مسط بن مبارك الادغم السبيعي نازل في بيت له في الشميسي ونازل عنده الاميرخالد بن فيصل بن مجفل هو واهله لمراجعه له في المستشفى ولين الامير مسلم بن فيصل بن مجفل مسير عليهم هو والشاعر المعروف دبيان بن عساف في الصباح يريدون قهوة الصبح وكانت القهو جاهزه في الديوانية وقلطو في الديوانية وانتبه لهم خالد بن مجفل واستقبلهم وقهواهم وقام خالد يداعب عساف وقال
ودك ان المتقهوي لاتقهو يروح ؟ ماكمل البيت قال دبيان يروح يدوج في اقطارها
ثم قال دبيان
المتقهوي لاتقهوا سموح دلة الاول مادق بهارها
ليت ابو مسلط( يعني جربوع الادغم) حاضر شوق الطموح مير ابو ناصر في وجارها ( يعني خالد بن مجفل)
لاين سلامه بن مسلط الادغم ( اخو جربوع) متكي على المركا وقام وقال
المقهوي ( يعني خالد بن مجفل) تكيسل والمعزب شحوح
والله انه يديرها لو مهوب على جالها (يعني جربوع الادغم).
هذا واطال الله في عمر ابو مسلط ورحم الله امواتنا واموات المسلمين