[الاضجم]

أسمحيلي يالغرام

أسمحيلي يالغرام العذب يالوجه السموح

إن لزمت الصمت أو لبست الأقنعه..

أعترف لك ما بقى من عالي الهمه سفوح

انحدر كلي كما طفلٍ تحدر مدمعه..

من يبي بالله يفتح لي غلق صدره وأبوح

وضاقت الدنيا بشاعر طيب قلبه ضيعه..

لا قبلنا الحظ قولي وين برحل وين أروح

الصبر يا هو يعذب والأماني موجعه ..

آه يا جود الحزن وياي والفرحة شحوح

ضايع بهمومي الغبره وبوسط المعمعه ..

أشتكي لوسادتي دنياي وأسمعها تنوح

كنها بعضي وبعضي وين هو من هو معه..

إيه أنا والعالم المغرور واليأس اللحوح

خايض حرب الرياح إلي تسوق الأشرعة..

مختلف في عبرتي حبر الشقا ودم الجروح

ومستوي في نظرتي غرب الوجود ومطلعه ..

عودي المبري بقابه من عطايا روح

وفضل خامس حاير بين الفصول الأربعه..

ورأس مالي ذكريات وحلم وآمال وطموح

لا صديق ولا رفيق ولا طريق وأتبعه ..

نوب أسافر فيه سديد الرأي ونوب فيه جنوح

مختفي صوت الحقيقه كيف وشلون أسمعه..

سامحيني دام عذري واضح كل الوضوح
واسمحيلي بالرحيل بلا تذاكر وأمتعه ..



الاضجم