عرض مشاركة واحدة
 
غير متصل
 رقم المشاركة : ( 1 )
خيَّال الغلباء
وسام التميز
رقم العضوية : 12388
تاريخ التسجيل : 01 - 03 - 2007
الدولة : ذكر
العمر :
الجنس :
مكان الإقامة : نجد العذية
عدد المشاركات : 20,738 [+]
آخر تواجد : [+]
عدد النقاط : 49
قوة الترشيح : خيَّال الغلباء is on a distinguished road
الأوسمـة
بيانات الإتصال
آخر المواضيع

التوقيت
Post قصيدة الصلح للشاعر الكبير / ناصر بن علي الحارثي

كُتب : [ 22 - 03 - 2007 ]

بسم الله الرحمن الرحيم

قصيدة الصلح بين قبيلة سبيع الغلباء وقبيلة بني الحارث العريقة للشاعر الكبير / ناصر بن علي الحارثي :-

يالله يا مـن لا إلــهٍ غـيـرك =يـا حـي يا معـبـود يا قـيـوم
يا فالق الإصباح من عقب الدجى= تفني جميع الخلق وأنـت تـدوم
سبحـانـك اللهم وبـحـمـدك =يا مغشي اعبادك نعـاس النـوم
يا باعثٍ مـن فالقبـور بلحظـه= بلحظـةٍ يذهـل بهـا المفطـوم
وبها تضع كل الحوامل حملهـا= والخلق كلـه منذهـل مصـدوم
يا كاسـيٍ دق العظـام بلحمهـا =ابقدرتـك يا خـالـق المـعـدوم
يا منشيٍ دهـم السحـاب وغـره =متلاقحه بـرق ورعـد وغيـوم
يا عالمٍ غيب الصـدور وجهرهـا= يا من نصـوم لطاعتـك ونقـوم
بسمك بدينا وأنت خيـر المبتـدا= يا فارج الكربـة عـن المهمـوم
تدلنـا للحـق فأنـت الـهـادي = وتجعل لنـا فالطيبـات اقسـوم
وتقضي حوايجنا وتصلح شاننـا= وتقسم لنا من خيرك المقسـوم
وتختـم لنـا يالله بعلـمٍ طيـب = لا غرغرت الأنفس في الحلقـوم
من بعدها والعلم خيـرٍ وهـدى =العلـم خيـر ويا عسـاه ايـدوم
نبـدا بعـادات القبايـل لـنـا =نمشي على العـادات والسلـوم
حقٍ علينـا نبتـدي التسليمـه = ونعمهـا للـلابـة الـقـروم
يا سبيـع يالغلبـاء سلامـا منـا= منـا عليكـم يا خيـار الـقـوم
تسليمة كالعود الأزرق وأطيـب=امعطـره بالمسـك واليشمـوم
تهدى عليكـم يا سبيـع الغلبـاء =ياللابـة اللـي طيبكـم معلـوم
يا أهل الكرم والمرجله والطالـه =والراية اللـي للسحـاب اتـزوم
أنتوا سلاطين الديـار وحرزهـا= وأنتوا لها فالمشتـرى والسـوم
إن طالت ارقاب الرجال إلى السماء =فأنتوا عليهـم مرقبـات انجـوم
وإن جاز تشبيه الرجال ابثقلهـم =عـز الله إنكـم يا سبيـع ارجـوم
يا سبيع حنـا علمنـا ينصاكـم = والضيف لا بـده معـاه اعلـوم
يا سبيع حنـا داعيـة بلحـارث= جينا لكـم يا سبيـع فـي لـزوم
جينا لحاجه والجـواري تجـري= يا جعل ما تجـري عليكـم دوم
هذي هي الدنيـا وهـذا طبعهـا =ترمي حصاها كـل ليـل ويـوم
ما أحد سلم منها كفـا الله شرهـا =ولا أحد (ن) مـن جورهـا معصـوم
جينالكـم ورقابـنـا ســداده= راس الجمل في شانكم مخطـوم
جينـا لكـم ورقابنـا ســداده= اللـي تبونـه حاضـرٍ ملـزوم
جينا لكم والعفو عنـد المقـدره =ايفضل الخاصم على المخصـوم
والعفو من طبع الرجال أمثالكـم =تكفون فكـوا القيـد مالملـزوم
والله لو إنكـم لفيتـوا عنـدنـا= في مثل هـذا الشـان واللـزوم
إنا نسامحكـم ونقبـل عذركـم =وإنـا نخلـي قدركـم محشـوم
وختـامـهـا يالله لا فرقـتـنـا = إلا بجمـعٍ طـيـبٍ مـرحـوم
ويالله يا ربـي لا تجعـل بينـنـا= رجلٍ شقـي حـظ ولا محـروم
وصلاة ربي والسلام على النبـي =صلوا معي على النبي المعصوم

ناصر بن علي الحارثي ( هداج) هذه القصيدة قلتها في جاهية لدى سبيع الغلباء بالخرمة طلبا للشفاعة في رقبة أحد أبناء قبائل بني الحارث بمشاركة وفود غفيرة وكبيرة من قبائل المملكة وبمشاركة شعراء كثر وقد عفوا سبيع الغلباء عن القاتل وكسبوا الأجر والجميل ولا نملك إلا أن نرفع لهم الراية البيضاء شكرا وعرفانا ونعتبر ذلك جميلا في رقابنا لقبيلة سبيع الغلباء بيض الله وجيههم ما أشرقت الشمس وظهر الهلال وليس بغريبا عليهم ذلك فهم قبيلة مشهورة بالعفو والصفح والرغبة في ما لدى الخالق كتب الله لهم الأجر العظيم وكل من سعى في ذلك الموضوع . منقول بتصرف يسير مع خالص التحية وأطيب الأمنيات وأنتم سالمون وغانمون والسلام .




التعديل الأخير تم بواسطة خيَّال الغلباء ; 28 - 04 - 2009 الساعة 16:35
رد مع اقتباس