السلام عليكم ورحمة الله وبركاته
مصافحة لكل من يحمل الجنسية السبيعية
من غير قصور في حقوق الغير ..
عل هذه المصافحة تخفف من العتب نظير طيلة غيابي
وكل عام وأنتم بخير
راجح بن شافي السبيعي
مابغينا نجي ثالث ولا رابع = قام كل يعد ويضرب القاعي
أرسل الخط للي نجمهم لامع = يوم بعض العرب يصير لماعي
أنت يااللي فعولك تطرب السامع= صرت للطيب مدخال ومطلاعي
ياعريمان باسميك أبو جامع = يامعشي قصير البيت لاجاعي
ياعريمان هذا غبي السابع = ماحصل لي مصيف ولاش مرباعي
قالوا البرق عانه والقمر ساطع = قلت برق ورعد ذي قمة أطماعي
برقنا مع رعدنا والله النافع = قبل تصبح حياة مالها داعي
ودي أوتر بها مير القلم جايع = يحسب انه يداوي كل الاوجاعي
مير بوتربها ياالشاري البايع = قبل لكشف قناع ويكشف قناعي
==== === === ==== ==== ==== =====
أرحبي ياهجوس الشاعر البارع = النبيه البخيص الفاهم الواعي
لو نزل سهم طيبة والورق طالع = كل سلعة لها شاري وبياعي
لي مكانة وانا في حولي التاسع = قدم أميز عقيدالقوم والراعي
دام شرواك خالي مابه منازع = ماخذ الطيب بلساني وبذراعي
آنا كلي لشورك سامع وطايع = كني الخاتم اللي وسط الاصباعي
لو تنادي عليه وانته مكاوع = جيت قبل احسب انصافي ولا ارباعي
وقفةٍ صيرمية صيتها ذايع = ماتدور على شاشة ومذياعي
لانتهى الشوط باقي وقته الضايع = جالنا قول والا جهدنا ضاعي
رغم طول السنين وفرقها الشاسع = ماسمعنا بذود مالها راعي