اعطاني الشاعر الصديق محمد بن سعد القويماني السبيعي هذه القصيده والتي طلب مني نشره هذه القصيده في منتديات قبيلة سبيع وهي رثاء في صديقه الشاعر شباب بن باتل السبيعي رحمه الله شاكر لبوسعد هذه الابيات فيمن يستحق وصح لسانه ورحم الله الشاعر شباب واسكنه فسيح جناته وانا لله وانا اليه راجعون
احسن الله عزانا في فقيد القبيلة == ابن جروة ولد باتل عريب الجدودي
اخذه الموت والمكتوب مافيه حيله == مايرده سلاح ولايرده جنودي
البنادم مسير في الحياة الطويله = =وان وصله القدر ماله مفر وصدودي
الليالي تدور وخاتمتها قليله == بعض الايام بيض وبعض الايام سودي
مات شباب كساب الثناء والجميله == يالله انك تونس وحشته فاللحودي
وانك تسكنه جنات خلد ظليلة == مع اعبادك هل التسبيح واهل السجودي
الكرم والوفاء والمرجلة من حصيله == اشهد انه حصيل معتبر ومعدودي
استوى للمراجل حيثها تستويله == طيب كل ماجادت سنينه يجودي
وشاعر مايقول الا البيوت الجزيله == له رصيد يقدمه التراث السعودي
يفقدون الرجال اهل الشرف والفضيلة == مير بعض العرب ماكنهم فالوجودي