[جعد الوبر]

المشاركة الأصلية كتبت بواسطة خيَّال الغلباء

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : فإن الشاعر الكبير / إبراهيم بن زيد المزيد رحمه الله وأسكنه فسيح جناته من الشعراء البارزين في منطقة سدير وعلى مستوى الخليج العربي وقد توفي قبل عدة سنوات عندما تجاوز من العمر مئة عام وقد عرف عنه الكرم وباب بيته دائماً مفتوح خصوصاً عندما إنتقل إلى الرياض وجماعته من أهل سدير ينصون بيته كلما ذهبوا إلى الرياض وله قصيدة في باب بيته المفتوح ومن روائع شعره هذ القصيدة ويقول فيها :-

لقيت الناس ما منهـم سلامـه= لزوم يلحقـك منهـم ملامـه
ولا تحسب حلالـك لـو تبيـده= يبي يحماك عن هرج الفدامـه
بذرت الجود في مـن لا جزانـي= سـوى ذم إلا هبـت ولامــه
حقود القلـب نقـال الوشايـا= هذور سهمتـه نقـل النمامـه
إلا منه طرى له ما طرى لـه= تكلم مـا يثمـن وش كلامـه
يقوله يزعم إنـه مـازح بـه= وهو ينقض ويفتل في عدامـه
دخيل الله من خطـو السملـق= إلى بالهيـذوان أطلـق لجامـه
ألا ياليـت ربـي يـوم سـوى= عبيـده حـط للطيـب علامـه
على شان الذي بالناس جاهـل= يعرف الحر من برق الجهامـه
لأجل بالنـاس شيطـان ملبـس= ولو لوى على راسه عمامـه
يغـرك بالسـلام وبالتحـفـي= وهو شيح وجثجـاث طمامـه
مثل هـذا تحـذر منـه جـدا= ولا تدني منامك مـن منامـه
وبعض الناس في ممشاه رافق= يختل الناس في قـل إهتمامـه
وبعض الناس يبدي لك نصيحه= ولكن ما تعرفـه وش مرامـه
وهو ما مقصده نصـح ولكـن= يبي يلبسك للحاجـه خطامـه
وإلى منه قضى بك مـا يريـده= أخذ سـدك وضربـك المهامـه
وبعض الناس يوري لك محبـه= وأرق من البريسم في تمامـه
إلى قـام يتمسكـن بالتلـفـظ= تقول أطهر وأصح من الحمامه
وهو بولة حمار عزك الله= ينجس من مشى حوله رشامه
وبعض الناس محمود السجايـا= رقى العليا بعزمـه والتزامـه
إلى منه بـدى لـك فيـه لازم= قضى لازمك ما ثمن حطامـه
كمنه وافي فـي كـل خصلـه= عريب الجد خاله من عمامـه
أسـأل الله يرفـع كـا خـيـر= عن الخذلان لا يهفـي مقامـه
قضى نظمي وما لاق بضميري= حلات القيـل مبداتـه ختامـه
أقول الناس مشكاهم علـى الله= لزوم يلحقـك منهـم ملامـه

منقول مع خالص التحية وأطيب الأمنيات وأنتم سالمون وغانمون والسلام .

مشكور وما قصرت ولا هنت