[أبو يزيد]

لي عدت فعول القبايل والافخار= لنا من الناموس مثنى ومربوع
فعول عسرات على كل مختار= نهوم للعليا بشيمات وطبوع
قوم لجو بفهيد عفناهم جهار= شيمة عرب ورجال والكذب مرفوع
غدو على قبره كما وصف خطار= قلنا ترى ماعند هالقبر ممنوع
بني عمر بالله لهم حظ وانصار= شر على اللي يلبس الجوخ ودروع
ورشدان منا طيب الراس واخبار= لا يابعد من هو هذور وبالوع
عبد لعمه لين حول السنه دار= ما نكله طرد المعاشير وافزوع
كم مشعل في ساقته جاله انوار= فجاي غرتهم الى جاهم هجوع
ومنا السميحي حط له قيل واخبار= جايب خويه من خطر مظلم القوع
ذبح ذلوله خايف يلحقه عار= وجلده سريح وحط ثوبه له شموع
ومنا الصبي ذابح اخوه بلجى الغار= من وجهه عقب اللوم مجدوع
وسلطان جار الله متونه من النار= شايل خويه لين سرب على الكوع
ومنا علي مدي من الهجن مشكار= في ملحة ماهي تهجي عن الجوع
حنا هل الملحة وحنا هل الكار= من مثلنا يدي بها رجل جربوع
وفنجال بن شاربه واحد ثار =فنجال باسبابه حصل ذبح وفجوع
وشربة من الماء ادى بها جل وابكار= مثار ربع يابعد كل منزوع
حطوا بها ملح ولامثلها صار= والماء من كل المشاويه ممنوع
بني عمر يدون بكبار وصغار= ووجيههم ما تعطي البطن منفوع
قصيرهم لو وخذ معهم وهو جار= يعطى عراف الجار ماهو بممنوع
ايضا وحرمتهم لها سلم قد صار= تعني من الاجناب سلفان ونجوع