[جفين الطويرش]

بقايا الفقيدبيض الله وجهك على النقل

بادين بالله علام السريره =قبل مبدا جابتي و اعرابها
يا عليم ن ما نويناه و خبيره =يا عظيم الشان فيك ابدابها
يوم أجر ابيوتها عيني سهيره=من بلا هم ن فجعها و صابها
كل رجال ن معرض في مغيره =و كل شمس بدها بغيابها
وابن آدم ما عطا حقه لغيره = الله حقوق البشر يسعى بها
و البنادق ما تثور بلا ذخيره= ما تثور بندق ن بإجرابها
و السنان اللي بلا داخل جفيره=مثل داب ن شايلين أنيابها
العلا و العز بإسنون الشطيره=عزها بخضابها و إنصابها
و العيون اللي نواظرها كسيره= ما يسرك زينها بنقابها
لو تزاين رمشها ما هي بصيره =الكفيفه ما تسر أهدابها
يا بني وايل عزاويكم شهيره=يا جبال راسخه بهضابها
يا سيوف ن طايله ماهي قصيره=يا مقامات العلا و أطنابها
ينتخيكم شايب ن يبغي صغيره = يا ملاذ العاربه و حجابها
كاسبين الطيب بأفعال ن كثيره= ما تعد أحسابها و أنسابها
راكب اللي ما تمل من المسيره =تنتهض مثل الحرار أسرابها
لا وصلتو كل وايل بالجزيره =كل مسطور ن يحسب إحسابها
و ينكم عن بنتكم تبكي حسيره= من طناها تنتخي باعرابها