[مخايل الغربي]

المشاركة الأصلية كتبت بواسطة مسلط 22

لازاعت الشعل جنب عن سناينها =ما اخبلك ياللي بتقهرها عن الراعي
كن السرايا جنبها يوم اعاينها= تنزاع في ساقة الراعي اليا انزاعي
مهيب وسط الهمل تذكر عواينها= دون الرويكب يمينه ذكرها شاعي
عند ابن جفران مرسية سفاينها= هزع عراقيبها ونحورها وساعي
يمشي بها بالفلا ماهوب هاينها= والها بالاقفار مصياف ومرباعي
اعداه من همها تكثر غباينها= تزعل وتفرح وتبري كل الاوجاعي
من شعلة الشمس تطري لي بطاينها= شمس الضحى شاركتها لون واشعاعي
اعراضن خدودها ربي مزينها= سندا مقاديمها والروس شلاعي
ان طبت السوق يامكثر زباينها= وان طبت البر تشعف كل مولاعي
وان جاء نهار المراء تسبق قراينها =تاخذ وراء الباع باع وشبر وذراعي
تبحث خفا الناس وتبين خزاينها= ويصد عنها غليل القلب مرتاعي

وفي الختام صح لسان الشاعر والسلام

بسم الله الرحمن الرحيم

من ما يؤيد صدق نظرت شاعرنا الكبير دسمان بن مناحي المحمدي السبيعي فوز الشعل بمراكز متقدمه في مزاين نوفا القريب فهنيئا لابوثواب صدق حدسه ومعرفته بالابل وهنيئا للشيخ فراج بن جفران بالفوز بالمزاين وانتم سالمين والسلام