السلام عليكم ورحمة الله وبركاته
الصداقة قيمة إنسانية أخلاقية ودينية عظيمة سامية المعاني والجمال كبيرة الشأن ونادرا في هذا الزمان من يستحق كلمة صديق .
أقدم لكم اليوم قصيده مرسله من الشاعر الشاب /عايض بن زايد المسلمي الغامدي موجهه الى أحد أعيان قبيلة السوده من سبيع وهو الشاعر/الفديع بن عبيد بن باحص السبيعي يشكي له فراق صديقه ورفيق دربه الذي جمعتهم صداقه قويه من خلال عملهم باحدى القطاعات بمدينة الخرج بعد أن تم نقل صديقه الى المنطقه الشرقيه .
صديق شاعرنا هو الشاب الذي أحببته دون أن أعرفه من خلال مدح شاعرنا له سواء من خلال هذه القصيده أو من خلال مدحه المتكرر له في كل مجلس وهو يستحق هذا المدح فعلا كيف لا وهو ينتسب لقبيلة سبيع الغلباء أنه / محمد بن منصور الصميلي السبيعي .
اخواني اضع هذه القصيده بين أيديكم :
واعين ياللي ماهتنيت الكرابها=عافت لذيذ النوم واحفت هدابها
الدمع همالا ونومي خفايف=ولالوم عيني دام فكري عثابها
فكرا تشتت مع سوارب همومه=من بعد راح اللي لاجتني سرابها
يعطيك من زين السوالف جزيلها=ويعطيك من بدع المثايل عذابها
واليوم راح الله يطول حياته=والنفس بعده تو عتم سحابها
رحل وشرق سعد منهو قصيره=جيرة محمد سعد منهو حضابها
فهذي هي الدنيا وهذي سواتها=دنيا دنيه مايطول الرجا بها
بعده عرفت ان المسرات زايله=وان الليالي مايدوم الحلا بها
وغنيت من جزل المثايل مثايل=مثايلا تجذب نظر من قرابها
طرقت طرقا من طروق اجدادي=وارسلتها للي يقدر جنابها
فديع بن باحص حميد السجايا=عساه يردع من همومي نصابها
واقول فيها يابو باحص وجودي=وجد الشياب اللي خساره شبابها
أو وجد من عزوه عصري زواجه=في بوه واخوانه وقام العزا بها
على خويا خوته ماتمثل=الخرج عقبه مارغبة المسا بها
من غير قاصر في جميع اصحابي=اللي يطيب البال يوم القابها
ولاني بمليوما ولااحد يلومني=قبلي وقبلي من تكدر شرابها
رجالا شكت فرقا الرجال الوافيه=انسابها ولامن اقرابها واصحابها
يشهد على مااقول قول المهادي=ببيات شعر كل حي درابها
قال المهادي قبل عايض يقوله=في جاره مفرج وروحه لجابها
الهم والضيقه ووجدا يلوعها=مما يخالجها ومما جرابها
مالي بدار ماسكنها مفرج=لو كان ينبت زعفرانا ترابها
فاليوم انا اقولها لوكان قيلت=يوما نفسي مايباعد مصابها
مالي بدار ماسكنها محمد=لو كان تنبت كل طيبا حدابها
ومحمد اضنه حفيد مفرج=الاد عامر تلتقي فانسابها
مفرج مفرج ذكر في زمانه=ومحمد محمد فعوله بدابها
ذاك الخوي اللي يدله خويه=نعم الخوي وخوته يقتدابها
خوة وفاء تعطي خويه بطاقه=بطاقتا يفخر بها من مشا بها
حليما كريما يحب الكرامه=كرامتا نشي عليها ونشا بها
نواش هواش راعي صمايل=له صملتا عدوان عينه تهابها
بريعا شجيعا يخوض الوغا=خلوق راعي دين نفسه علابها
حلال حلحيلا يحل الفتن=يدفن صغايرها وينقض صعابها
والطيب ورثه من خواله وعمه=جبالا شوامخ والحجا والذرا بها
من لابة ماهي تعدد فعولها=تعرف مفاخرها ويعرف صوابها
اسبيع والسبعان هذي سواتهم=قوما مفاخرها تسطر كتابها
تمت وصلى الله على الهادي محمد=اعداد من طاف في مكه وصلا بها
وقد رد الشاعر الفديع بن باحص بقصيده سوف تجدونها هنا قريبا أن شاء الله
وتقبلوا تحياتي اخوكم غامد الهيلا...