[خيَّال الغلباء]

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : أيام حرب اليمن وفي عام 1963تحديدا في عهد المغفور له الملك / فيصل بن عبدالعزيز اّل سعود كان هناك جماعة من الوداعين الدواسر وعددهم خمسة ومعهم واحد من اخوانهم الشكرة وواحد من اخوانهم الغييثات واحد من اخوانهم الصخابرة وهم / حمد بن هندي الودعاني وحمود أبو فاس الودعاني ومرضي بن محمد بن شماء الودعاني ومحمد بن مرضي بن محمد بن شماء الودعاني وفهيد بن راشوف الودعـاني وفرحان بن سفر الشــكرة ودغــش بن محـمد اّل شــاهر الصخابرة وكانوا عائدين من اليمن بسياراتهم النقل المحملة بالبضائع من القهوة والأرزاق وكل خير وكان يرافقهم اثنين من قبيلة شمر بسيارتهم فتعطلت عليهم فنخى / خالد الشلاقي الشمري الدواسر بعزوتهم يا عيال زايد ففزعوا له ووجدوا الحل في تفكيك سيارته الفرت قطعة قطعة وتحميلها في سياراتهم الأربع ولما وصلوا إلى مدينة نجران كان الخبر قد وصل قبلهم إلى أميرها السابق الأمير / خالد بن أحمد السديري رحمه الله وسر بفعلتهم وأكرم كل واحد منهم ومعهم الشمري وتكفل بتصليح سيارة الشمري على نفقته الخاصة وبعد أن وصل خالد الشلاقي الشمري إلى اهله في منطقة حائل أنشد هذه القصيدة ردا للثناء عليهم أجمعين ويقول فيها :

يا حمود هات الفرت وأكمـل زهابـه
= كمـل زهابه يا زبـون المشافيـق

اسرح عليـه ولا تحـن الوطـا بـه
= اجنب عسى دربك ودربـه توافيـق

صلهم ترى الممشى يبي من هقابـه
= خص إلى زانـت دروب الطواريـق

انص السديري زبن من هو لجى بـه
= سعد الركاب وسعد أهلها من الضيق

سلم عليه إعـداد ما أنشـى سحابـه
= وما ورقت لشجار من الوبل توريـق

قله ترى فعلـه فخـر مـن حكابـه
= فعل على عـزم الردييـن ما طيـق

ثم ثنهـا يا حمـود فهـل الحزابـه
= دواسـر قامـت بفعـل المطالـيـق

سلـم عليهـم كـل منهـم بنـابـه
= سلام أحلى مـن غبـوق المفاهيـق

يا ويش أقول بمـدح سربـة اذيابـه
= يوم استناخ الفرت ثم نشف الريـق

تعصبـوا والكـل يضحـك بنـابـه
= وقالوا لي أبشر بالفرج ساعة الضيق

الفـرت حطـوه الذيابـة انهـابـه
= كـل يعلـق نبلتـه فـوق تعلـيـق

شالـوه ربـع للخـطـر ما تهـابـه
= حتى الكرد شالـوه ما واحـد عيـق

كل يقـول الفـرت عنـدي وأنا بـه
= خويـنـا ما يلحـقـه دوم تعـويـق

يالبيـض ياللـي تنقـش الخضابـه
= بالله عليكـن للنشامـا عشاشـيـق

يا كيـف ما أمدحهـم وأزيـد الثنا بـه
= من حد حايل لين حـد العواليـق

مدح علـى فعـل ينومـس جوابـه
= ما هـوب حكـي ما يعـزز بتصديـق

يستاهلونـه بالثنـاء والوفـاء بــه
= مدح إلى جاء الصدق ما هوب تلفيـق

منقول وأنتم سالمون وغانمون والسلام .