لاتامن الدنيا ليامن صفت يوم
لها على من سج فيها انقلابة
من شهرها محد(ن) بسالم ومعصوم
ولادام فيها محمد والصحابة
والعمر مثل الزرع لو شاخ مصروم
عزي لمنهو غافل(ن) في شبابة
دنياك عبر وحيلها تنجب التوم
قشرا ولا سويت جناح الذبابة
قدامنا كم راح قوم(ن) بعد قوم
وياما فقدنا فوقها من رفاقة
كم مرقم(ن) من مقدم الوسم ماسوم
يمشون في نبتة قدم من مشابة
وكم مشرب(ن) من نزلهم صار مزحوم
بيوتهم كنها سحاب(ن) بجنابة
اذكارهم راحت كما الحلم بالنوم
لطامت العايل كبار المهابة
اذكارهم ماتنسى دايم الدوم
والا الردي لو راح ماحد(ن) درابة
واشكر اخي جزل الكلام على ملاحظة الخطاء المطبعي