عرض مشاركة واحدة
 
غير متصل
 رقم المشاركة : ( 5 )
عبدالله الحضبي
عضو هـام
رقم العضوية : 467
تاريخ التسجيل : 25 - 09 - 2003
الدولة :
العمر :
الجنس :
مكان الإقامة : السعوديه - الخرمه
عدد المشاركات : 363 [+]
آخر تواجد : [+]
عدد النقاط : 20
قوة الترشيح : عبدالله الحضبي is on a distinguished road
الأوسمـة
بيانات الإتصال
آخر المواضيع

التوقيت
رد: قبيلة ثور أطحل التيمية الربابية المضرية

كُتب : [ 04 - 10 - 2017 ]

قبيلة بني ثور من سبيع بن عامر
وهي احدى قبائل الزكور في الخرمة ومنهم من يسكن رنية وعنيزة والرياض

يقول للشاعر شباب بن باتل الصميلي السبيعي
والقصيدة موجهة إلى ابنه زيد
يا زيد رافقني باروح الخوالي ..الاد الاجرب عزوتي حزة الضيق
هم درعي الضافي وهم راس مالي.. يشفق لهم قلبا لشوفه مشافيق
لا جيتهم لقيت صفر الدلالي.. اللي على جال المناره مفاهيق
تسمع بنجر الما وصوته يلالي.. يجذب بحسه بالمسا والتشاريق
وبغداد يصلاها من الجمر صالي.. ادقاقة المثناه فرعا المعانيق
غضة وجثلة والطف من الريالي.. تجهرك لا نظرت فيها بتدقيق
سبيلها يشبة حجاج الغزالي.. ولا شفت عا قبها مثل معقل الهيق
ينقالها من طيب الكيف غالي.. بريّةٍ بجبال صنعا الشواهيق
واللي شغلها من قروم العيالي ..ماحط في كيف النشاما خوازيق
فنجالها يجيك لونة عسالي ..هيل وعلية من العويدي مناويق
وحيلا ليا جت بالصحن مايشالي ..عراض الفطاح اميلات المعاليق
وسوالفا تشرح صدور الرجالي.. ماهيب هرجا بالقفا والخثاريق
يشفق لهم قلبي ويرتاح بالي ..واعمهم بالمدح من دون تفريق
لي عندهم حشمه ومقدارعالي.. واغصب على الفنجال الاول الياسيق
وافخر بهم لاحل قيلا وقالي.. بالجد مافي الهرج مزح وتعاليق
ربع الهليمه محتمين التوالي.. يتلون شيخانا كراما مطاليق
وقت الرخا سعد الرفيق الموالي.. وجداعة الملبس اليانشف الريق
هلايمه لاصك جال بجالي ..تطلق لسان اللي يعدل الطواريق
درب الردى ماله عليهم مدالي ..ولهم بفعل الطيب حظ وتوافيق
ياما شعوا من مبعدات المفالي.. في ساقة مفرح بعيد المراميق
فوق النظا ومصارعات الاحبالي.. يتليه شجعانا ارماتا تفافيق
ويرعون مسلافا من النزل خالي لاجاه من مطر الحميمي تصافيق
ولانطلن بيض العذارى الشيالي ..وصاحوعقب وخذ الدبش بالملاحيق
ركبوا وسلوامرهفات السلالي.. وهدفا مخاطرها اسوات المسوايق
لاحل في تالي المتلي جفالي ..واقفن بهم روس النشامى مدانيق
طريحهم تذري عليه الرمالي.. بحدبا يجي للشمس فيها تباريق
وليا زبنهم طاير العقل جالي ..عدوا عنه لوحمله اثقل من طويق
يالله لاتقطع للاجواد تالي ..يامن بيدك ارزاق كل المخاليق
وسلاما احلى من حليب المتالي ..لاربعا عند القهب في الزماليق
وصلوا عدد ماهل وبل الخيالي.. على نبيا حقق الدين تحقيق


رد مع اقتباس