[عبدالمحسن آل عبيد]

حـارت الدمعـة بعيني .. وماقويت انطق وداع ورحت في كفي اكفـكف .. من على خـدي دموع بيـن موتي وبيـن بعـدك .. المســافه هي ذراع وينهدم حـب(ن) بصدري .. وتنطفي فيني شموع!! يكـذب اللي قـال مره : بالهـوى إنـه شجـاع وكني اسمع صوت قلبه .. يرتجف خلف الضلوع الهــوى وربـي عرفـتـه انتشر فيني وشـاع أولـه عـز و ونـاسه .. وآخــره ذل وخضوع !! يوم انـا جهزت مركـب فيه مجداف وشراع هبـت ريــاح البعاد .. والبـحر اصبـح يروع وانكسر مجداف حبي .. وابتدت رحلة ضياع وتهت بامـواج(ن) تـلاطم قـامت بوجـهي تفوع والوفـا " أصلك" حبيـبي .. بس لا تعلن وداع ومن جحد "اصله" حبيبي .. بذمتي ماله "فروع"