اولا
اعتذر لأنقطاعي فترة من الزمن وعدم التواصل
معكم في هذا المنتدى الرائع الذي اعتبره لي
لمحبة قبيلة سبيع عندي واعتبر نفسي
منهم
ثانيا
اعود لكم بهذه القصيده التي قلتها
في مجموعه من رجالات قبيلة سبيع
وعلى راسهم الشيخ زيد المليحي
عندما كانوا في ضيافة رمز شمران
ابن العم مسفر بن عوضه ال حمدان الشمراني
في المنطقه الشرقيه بالدمام
بعد ماتم الصلح بين قبيلة سبيع
وقبيلة سنحان من قحطان على خلفية
مضاربه حصلت
امل ان تحوز على رضاكم
هــــلا والغـــلا بقلـــــوبنا يفتــــح البيـــبان
والأفـــراح بعيــــون المعــزب وحجانه
هـلا مـرحبـــا يامن حضر عند بن حمـدان
تـراحيب راعي الطيب لاشاف ضيفـانه
هــلا مرحبا تـــرحيبـة تــرجــــح الميــزان
صـــداها يعـــــم الحـــي كلــه وسكـــانه
هــلا ياسبـــيع الطيـــب والطيــب لسبعــان
رجــال تفيــد المــدح والطيــب سيســانه
سبيـع ابن عامر وابن عامر من الفـرسان
هــو الســـاس ومن السـاس يعتـز بنيــانه
هـلا والوفاء لسبـيع من ماضـــي الأزمـان
وتاريخــــها بالطيــب ماواحـــد شــــــانه
رجـال تعلـــت بأســمهــا بيــن قاص ودان
ولـــدهم يـــربونه على الطيب والــوانه
يسيــر الولــد منــــهم على سيــرة الجــدان
وكل يفــــاخر بأســـم ربعــه وجـــــدانه
يشــب الولد وافعــال الأجـــــواد له نيشـان
وطيـــب الولــد من طيب خاله وعمـانه
يعيشـــــــون للعــليا وتاريخــــهم ينصـــان
يمـــوت الرجـل منهم ولا واحــد هــانه
يســـــــمون بالغلبــا وهــم غلــب للعــدوان
عـــداهم تضيق بــها الوسيعه وحيــرانه
وش اللي بقــــى من طيب والا وفاء مالان
كسبـتو المـــراجل كلبـــوها ومنصـــانه
ســلالة فخــر والفخــــرمن عادة الظفــران
وكل بفــــــــعل الطيـــب سجل بـديــوانه
وكـــل القبـــايل وافيــه مابــــها النقصـــان
قبـــايل وطـن واحـد ولا عـاش خـــوانه
وقصـــة سبـــيع اللي تــورخ مع قحطـــان
بطلـــها مفـــرج والمهــادي علا شــانه
على الطيب عاشو والوفاء عادة الشجعان
وتاريخــهم مامــات والطيــب عنـــوانه
ولا انسى كـريم الأصل والشيـخ بو سلطان
حكيــم الرجــال بقــول والفعل برهــانه
يقـــولون بالأفعـــال كل الصعـــاب تهـــان
وربك بوفــق من بغـى الخيــر سبحــانه
فيا بن دليـــم تعيــش والطيـب لك بـرهــان
ومثــلك ومثل ابو علي صعب نسيــــانه
وبن راســي المعـروف شيـخ على سنحـان
مقـــامه يجــمل بين ربعـــه وجيـــــرانه
واكــرر تــراحيـب المحبــه على الضيفــان
ارحــب وكل اللي حضــر قلت بلســـانه
بأســـم من تعــــلا بالوفاء والوفاء عنــوان
كــريم الرجـال اللي تعلا على اقـــــرانه
هــذا بو علـــي رمـز الكرم والكريم معـان
وكــأن الكـــرم والطيب خلقت على شـانه
ولاهي غــريبــه دام ساسه من الشيخــــان
شيـــوخ لها التــاريخ ومثبــــته اركـــانه
ســلالة بني حمدان هم روس في شــمران
وكل يعيـــش وباغــي الطيــب ماخـــانه
وبأســم الذي لاضــاقبي الوقت والا شــان
ذكــرت اسمـهم والهــم ينــزاح شيطــانه
هــذولا بني عـمــي ولبسي على الأبـــدان
شـــمارين لأفعـــال المطـــاليـق عطشانه
وهــــلا مرحبـا تـرحيــبة تـرجح الميــزان
والأفـــراح بعيــون المعــزب وحجــــانه
شعر / زهير بن مداوس ال حمدان الشمراني ( ابو ماجد )