قالت له يا منصور
افتح باب الصور
ندخل بدستور
ونبيع التجارة
******
قال لها يا ظريفة
خايف من خليفة
في ايده حربة رهيفة
تنفد في الحجارة
*******
قالت له يا نور عينيه
افتح وانظر عليه
دا احنا تمانين صبية
في حبك مش خسارة
*******
قال لها يا ست الصبايا
ما تحاوليش معايا
فيه رؤسا ورايا
ومش هالقي بَصَارة
*******
قالت له يا نور عيني
افتح وانظر زيني
وفيه بينك وبيني
نقعد ف اختصاره
*******
قال واحنا اصطبحنا
وعلشانك فتحنا
ولو خليفة دبحنا
في حبك مش خسارة
ويستمر الراوي
ميل وراح فاتح الباب
وقال خشي يا ست الروح يا عجوبة
إلا المهرة كالريح وطياب
ودخل الزعيم بالركوبة
(دخل الهلالي ، ورءاه قال إيه ده ، داخل رايح فين يا شيخ العرب ، هو انا فاتح لك أنت ، راح نزل م الركوبة)
قال أنا بيك موعود
تعالي يا وحش عرضك وطولك
ما هياني أنا الحاج مسعود
وطلبك راح أمشيهولك
***********
قرب إيده من عنقه لواه
وقال له أنت عيشتك عالدنيا خسارة
ما دام تقصد شيء يغضب الله
عفص موته باختصاره
قام دايس عليه لما طلع روحه بإيديه وقال أبو زيد تخش البنات بستر مولاي
يابنات خشوا بستر مولاي
إن شاالله نطلعوا بالسلامة
أنا ساير وأنتم وراي
توسلنا بعروس القيامة
"أصلي على النبي"
يا بواب منصور افتح لنا الصور
نسر له بدستور ونبيع له الجارا
افتح لا تبالي دحنا لا عيالي
ونبيع المخالي واحزمة المهارا
**********
والله يا ظريفة خايف من خليفة
له حربة رهيفة تمرق من الحجارا
والله يا بناتي خايف من الزناتي
من ضربه فاني ويزور القبارا
قال أنا جمل يا عيني
بس يا خسارة الزمن ميال
وذلني البين وحملي
عالكتاف ميال
*******
من بعد ما كنت أقطر
كلة القعدان(1)
صبح القعود الجلب
يسير قدام
********
ومشيت في الصحرا
والطريق قيال
دا انا عوفت اللحم واللية
واعدمت صاحب عزيز ليه
وكان ميال