حيتكم ياسبيع تسرع بي خطايه=من ديار حروب والخطوه بعيده
الهدف من جيتي تحكيه غايه=وغايتي ترجم لها معنى القصيده
ياسلام ياسلامي فالبدايه=ياسلامي ياهل الفعول الحميده
فعلكم ياسبيع ماهو بالروايه=فعلكم ياسبيع نهار المكيده
السبيعي بالوغى يجيد الرمايه=جدعت النيشان والشاره اكيده
والكرم والجود هو ساس البنايه=ضيفكم والجار حياته سعيده
مااحدٍ خذا طيب غيره بالولايه=الرجل رجال والمبدا رصيده
جيتكم والشعر له بالجو رايه=والقصايد جم وعلومي مفيده
شاعرٍ وادري بقوة معنايه=من هجوسي كل المعاني عنيده
والتحايا مني لكم بالنهايه=عد مانشر الخبر وسط الجريده