السلام عليكم ورحمة الله وبركاته
مشكور اخوي مخايل على المعلومات القيمه وبيض الله وجهك
طرت علي سالفه يوم تقول ان الذيب يعرف اذا كان معك سلاح والا لا
يقولون فيهه ذيبه حول الشيط يقولون فيه رجال يمشي ومعه ذلوله وقرب يمسيه اليل واهله توهم مهم قريب الوكاد ان الذيبه جته وقامت تبراله تبي تعرف معه سلاح والا لا وهوو ما معه الا سكين
وما يدري وش يسوي وهي ذاله من السلاح شافها ونزل راسه يبي يلقطله حصاه درت سبحان الله
ان مامعه سلاح يوم شافته نزل راسه وتهد عليه نطحه بالسكين بس السكين مايسوي شي
تماسك هو وياها يقول جراوتها معها وهو توه نشيط مابعد تعب وتفكه وترجع لجرواتها وتطقهم يقال انها تبيهم يفزعون معها تبي تدربهم المهم رجعت عليه وغرس السكين في جنبها بس ما اثرت عليها
يقول انا ايقنت اني بموت خلاص شوي وباطيح واخر خبره انه شاف ناس من بعيد يمشون صاحلهم وطاح يوم توعى الا يحس بدفاء ويفتح عيونه الا عنده رياجيل على الضوء والسكين مغروسه في التراب جنب الضوء وش العلم قالوا يوم شفناك رمينا الذيبه وصوبنها وانحاشت وقصينا جرتها
ولقينا سكينك طايحه في الارض وسبحان الله فكه الله من هالذيب
فانا طرت علي يوم تقول يعرف اذا معك سلاح والا لا فالذيب يقولون فيه ذكاء غريب
تقبــــل مروري ودمــــــــــتم بود