السلام عليكم ورحمة الله وبركاته ،،
اقام السيد / منيف بن فهيد بن دخيل الله الملحي حفل زفاف ابنه ( ناصر ) في المملكة العربية السعودية بمدينة الرياض ،،
وتشرفنا لحضور شيخ الملوح / فهيد بن مناحي بن وهطان الملحي السبيعي لحفل زفاف أخي (( ناصر )) وقد كان لحضور الشيخ / فهيد بن مناحي بن وهطان الملحي السبيعي شرفا كبيرا لنا ...
وقد كان الحضور من أمراء قبيلتنا العريقه ومن القبائل وأبناء العمومه والعديد من كبار الشخصيات الهامه ،،
واليكم صور الحفل ،،
المعرس / ناصر بن منيف بن فهيد آل دخيل الله الملحي السبيعي
وهنا شيخ الملوح / فهيد بن مناحي بن وهطان الملحي السبيعي
ومن هنا نبدأ
هنا بداية دخول المعرس صالة الافرااح
هنا المعرس مع ابيه
وهنا المعرس مع عمه رجل الاعمال السيد / سعد بن فهيد آل دخيل الله الملحي
ومن هنا ألقى الشاعر / ناصر بن محسن المري في المعرس وقبيلة سبيع الغلباء وصح ألساانه وماهي غريبه منه ،،
واليكم التصوير بالفيديو ،،
سلام الله سلام الله سلام إسلام مهدينه ،،، على رووس الرجال اللي تشرفنا فعايلها
سلام الله سلام معطراً بأزكى رياحينه ،،، بريح العود والكادي إلا خالط نفايلها
سلام الله عدد ما غرد القمري تلاحينه ,,, وسلام الله عدد ما أنشت من القبله مخايلها
سلام الله على اللي عزم وكمل نصف دينه ,,, ولفتنا منه الدعوه ولبينا رسايلها
سلام الله على ناصر عدد زهرة بساتينه ،،، ولكم يا ناصر بن منيف عنينا رحايلها
وعسى عمرك يمد الله بشهوره وبسنينه ،،، على العز وعلى التقوى على حسنى فضايلها
سلام الله على ناصر وأبيه وساس جدينه ،،، وسلام الله على ربعه رجال فاز فايلها
وسلام الله سلام خصوصي ٍ لسبيع مهدينه ،،، هل المده هل الطوله ليا رزت شلايلها
مساء الخير يا سبيع الشرف والعز محصينه ،،، هل الغلبا معدلة العوج لا مال مايلها
فعايلكم تسطر بالتواريخ ودواوينه ،،، وسبعين ونعم فيكم ليا زادت هوايلها
لكم بصمه زمان فات بالحرب ودخاخينه ،،، هل الصمله هل الوقفه إلا شبت فتايلها
ولكم ذلحين ذكر ٍ كل خلق الله موحينه ،،، حضيتوا بالمراجل كلها بشتى وسايلها
وأنا ما أقول قول ٍ دون ما أثبت براهينه ،،، قبيله يشهد التاريخ ويشيد بخصايلها
وترا جمع العذار لمثلكم ماحن بمطرينه ،،، نجي لو دونكم كل المشاغل حال حايلها
وترا زيارة عميل الطيب مثل الفرض مدينه ،،، نمد الطيب مثله طيب ونجازي عمايلها
وترا ملزوم أصافح كل من هو قدم يمينه ،،، وأعبر وأتشكر له على مدة جزايلها
وترا الطيب عليم الله يا أهل الحشد شارينه ،،، عسى لو كان من هو كان من شتى قبايلها
رفيق ٍ لازهمته باسمه يلبي مناديه ،،، رفيق ٍ ياقف بجنبك إلا يبست بلايلها
وكل كتاب يا أهل الجود بين من عناوينه ،،، وعلى ما قدمت يمنى الرجل يجني حصايلها
وكل دون حقه يا هل الطولات بأيدينه ،،، وترا قولة نعم عند القبايل حظ طايلها
وأنا مري من أهل الفعل لا حانت ميدانيه ،،، قبيله وافيه بالجود وأتنومس سلايلها
وقبل ختم القصيدة زبدة الهرج بنياشينه ،،، وألا يا أهل الوفاء نبغى لا زل قايلها
وصح ألسان الشاعر على هذه القصيده الجزله وماهي غريبة منه ،،
وهنا الامير مع السيد / فايز بن راكان الملحي
وهنا علي اليمين الشيخ / منيف بن دخيل الله الملحي والامير وفايز بن راكان وابن اخي راكان بن فايز الملحي السبيعي
وهنا صوره مع الامير ابوثنين وكبار الشخصياات
وهنا صوره جماعيه
ومن هنا الشيخ / منيف بن نايف الملحي واخيه السيد / فصل بن نايف الملحي والمعرس
ومن هنا السيد / نايف بن منيف آل دخيل الله الملحي
من هنا السيد/ محمد بن منيف والسيد/ محمد بن ناصر الملحي
وهنا السيد / نايف بن فهيد آل دخيل الله الملحي
(( واعتذر لعدم وجود الصور الباقيه ،، ))
ودمتم بالف خير ،،
،،