[خيَّال الغلباء]

بسم الله الرحمن الرحيم

أوصيك يا ولدي وصاة تضمها=إلى عاد مالي من مدى العمر زايد
وصية عود ثالث رجيله العصا=وقصرت خطاه اللي من أول بعايد
لا تاخذ الهزلا علشان مالها=ولا تقتبس من نارها بالوكايد
لا تاخذ إلا بنت قوم حميده=عسى ولدها يجيب الحمايد
يجزى عمل راعي الحساني بمثلها=ويجزى عمل راعي النكد بالنكايد
ولا تتقي في خصلة مالها ذرا=ولا تنزل إلا عند راعي الوكايد
ولا تسفه المنيوب لا جاك عاني=إياك يا ولدي ومطل الوعايد
ويا طول ما وسدت راسي كداده=من خوفتي يعتاد لين الوسايد
فمن عود العين الرقاد تعودت=ومن عود العين المساري تعاود
ومن عود الصبيان من زاد بيته- =عادوه في عسر الليال الشداد
ومن عود الصبيان ضرب بالقنا=نخوه نهار الكون يا أبا العوايد
ومن تابع المشراق والكن والذرا=يموت ما حاشت يديه الفوايد
الأيام ما بقى بها كثر ما مضى=والأعمار ما اللي بقى منها بعايد
نعد الليالي والليالي تعدنا= والأعمار تفنى والليالي بزايد
إلى دقت الوسطى بالأبهام تذكرت=زمان مضى ما هو لمثلي بعايد
فلابد ما سحم الضواري تحوفني=بليل ولا لي عن لقاهن بزايد
ومن سرته الأيام ينقاد حبله=وينقض في حبل الذي ما تساعد
قولوا لبيت الفقر لا يامن الغنا=وبيت الغنى لا يامن الفقر عايد
ولا يامن المضهود قوم تعزه=ولا يامن الجمع العزيز الضهايد
وواد جرى لا بد يجري من الحيا=إن ما جرى عامه جرى عام عايد
وصلوا على خير البرايا محمد= ما ناح ورق فوق حدب الجرايد

منقول وأنتم سالمون وغانمون والسلام .