اقول : خدمه؟.. ولا هي سالفة خدمـه
أدم الحشا يا عشيـر الغانميـن ادمـه=وصبي علي الشقا يـا راويـه صبـي
لا شفت انا زين غيرك قلت : يا قدمه=ولا شفت زينك صرخت وقلت يا ربي
في ذمتي مـا تنـوخ نزوتـي كدمـه=لو كان مِن دل سلمى ما حرش ضبـي
يا شبه وضحا مـع البـدوان منعدمـه=في دربها مخلب العشاق يلعـب بـي
اقول : خدمه؟. ولا هي سالفة خدمـه=هِبي علـي وان تغيّـر نوّهـم هَبـي
بيت الشرف لوّ ما تلبـس ولا هِدمَـه=بأسود شعرها عـريّ الجسـم متغبّـي
أشكالها في قصـور الملـك منعدمـه=إلا الذي في عـدن حطـه لنـا ربـي
منها بروحي جيـوش البيـن مرتدمـه=وفي القلب منها الهموم تطوف وتلبّـي
بي صدمةٍ فيك الا يا كبرهـا صدمـه=منها معاد اقـدر اسـرّب ولا اسبّـي
بيـوت الا بيـوت الـعـزّ منهـدمـه=لو في حسن دورها تلّ الهـوى لبـي
لو دونها السـود مرتدمـه ومحتدمـه=الله جعل بيـن ايـادي مكرهـا طبـي
ما عاد عنهـا نحانـي واحـدٍ فدمـه=لا ارضى بسبّه ولا هوراضـيٍ سبّـي
لو نفسه من السوايـا السـود منّدمـه=هو واللي اغووه ما جوا في وسط عبي
يا قوم لو كان فيه مـن الوفـا أدمـه=يقصر عن مجاكر الاجواد فـي خبّـي
الشاعر / ناصر الفراعنه