اخواني الأعزاء في منتديات سبيع
هذه مصافحه اولى اهديها لكم لعل وعسى ان تنال ولو على بعض
رضاكم واستحسانكم
وسامحوني على التنسيق وارجو من احد المشرفين الكرام تنسيق
هذا النص مشكورا وللجميع وافر التحيه
[poet font="Simplified Arabic,4,indigo,normal,normal" bkcolor="white" bkimage="" border="double,4,burlywood" type=2 line=200% align=center use=ex length=0 char="" num="0,black" filter=""]
غاده تجي يومين وتغيب شهرين =الله يعين اللي بغاده تعلق
ياكثر مافيها من الملح والزين = معها نسيت الهم والفكر حلق
دشت بقلبي شوفة العين للعين = يوم دخلت بابه عليها تغلق
وزرعتها حب(ن) جرى بالشرايين= حتى نما بذر الغرام وتفلق
مهما تجي وتروح حين(ن) بعد حين = خيالها في نون عيني تخلق
غاده غلاها عن جميع البشر وين = غاده غلاها للنجوم يتسلق
لاشفتها عندي تشين المزايين = لو هن علي غض الصبايا تحلق
الله عطاها الزين خلق(ن) وتكوين = بالوصف فيه احترت والهرج غلق
لو شافها الدين شغلته عن الدين = وحدث عن الفتنه وبرهن وعلق
مايختلف في زينها الفاتن ثنين = من شافها عن جملة البيض طلق
الى اقبلت يمي تجر الفساتين = والوجه اساريره بوجهي تطلق
لجيت بالله عن عيون الشياطين= يحرس ملاك(ن) فيه قلبي تعلق
[/poet]