أتشرف بتسجيلي والأنظمام لهذه الكوكبة الغالية على قلبي وقبيلة سبيع معروفة بالكرم والطيب والشجاعة ..وحب الخير ..
انا انسرق مفتاح سيارتي في مكه في مطعم يوم جاء الطلب قمت وتركت المفتاح على الطاولة وهي من نوع فورد .. وحاولت اني اشغلها بدون مفتاح .. فأذا بهاك الشاب كبير الجثه حسن المنظر يقترب مني ويسلم قال كيف حالك ياخوي قلت بخير قلت آمر قال ما يامر عليك عدو انت اللي امر انا واقف من اليوم اشوفك مبتلش بسيارتك ودخلت المطعم وقالو لي انك مسروق مفتاح سيارتك وحبيت اساعد باللي اقدر عليه قلت كفوو والله قال معك سطام السبيعي قلت وسبعت انعام قال كم موديل موترك قلت 2003 قال اجل خلني اشغل بمفتاح سيارتي لاكن عيت تشتغل وجلس معي قرابة الثلاث ساعات تجاذبنا فيها اطراف الحديث وقالي انه من الخرمة ..
يحمل من الطيب والكرم والشعر والعلوم الغانمة الكثير وهذا الشاب ليس الا شي يسير من قبيلة سبيع ..قررت بعد هذا الموقف التسجيل في منتداكم ...فهل من مرحب
اخوكم\يوسف بن بجاد بن رجس العطاوي العتيبي وآسف ع الاطآله
أخي الكريم / يوسف العتيبي السلام عليكم ورحمة الله وبركاته وبعد : أرحب تراحيب المطر حللت أهلا ونزلت سهلا وأهلا هيل عد السيل في محلك وبين إخوانك أبناء قبيلة سبيع بن عامر الغلباء في شبكة سبيع بن عامر الغلباء متمثلة في منتدياتها وحياك الله من ممشاك إلى ملفاك ويشرفنا انضامك إلينا ونقول لك كما قال الشاعر السبيعي :-
يا مرحبا ترحيبة البدو بالعيد
= تباشروا به يوم شافوا هلاله
وقال شاعر اّخر من غير قبيلة سبيع الغلباء :-
يا مرحبا ترحيبة البدو بالسيل
= ترحيبة العود العمى في عياله
ومرحبا ألف وإن شاء الله تجد في محلك وعند إخوانك أبناء قبيلة سبيع بن عامر الغلباء بين جنبات منتدياتهم ما يسرك ويثلج صدرك وتبتهج له أساريرك وإن شاء الله تفيد وتستفيد ومنك ننتظر ما تجود به نفسك من بوح قلمك هذا والله يحفظكم ويرعاكم مع خالص التحية وأطيب الأمنيات واسلم وسلم والسلام .