السلام عليكم ..... أسعد الله اوقاتكم بالخير والمسرات .....
اليكم القصيده المتواضعه وارجو ان تنال اعجابكم جميعاْ وان ينال اختياري للقصيده اعجابكم ...
[poet font="Simplified Arabic,4,white,bold,italic" bkcolor="transparent" bkimage="backgrounds/21.gif" border="none,4,gray" type=0 line=200% align=center use=ex length=0 char="" num="0,black" filter=""]
* عذبين السجايا *
يقول اللي طراله ماطراله = سقا الله وقت عذبين السجايا
زمان السيف ورجال الشكاله = زمان الخيل وأيام المطايا
لو انه شح وأهله في نكاله = فرق عن هالزمن بأحسن مزايا
يجود الرجل من نقذة عياله = ويرجي المد من جزل العطايا
كرم حق وحقيقه لاظلاله = بعيد عن نفاق وعن دعايا
وراع الهينه يدري بحاله = ولايقدر يزيف للبرايا
ظروف الوقت ميزان العداله = يبين الصدق ماتخفي خفايا
يبين الذياب من الثعاله = ويظهر صيت متعبت السبايا
ودروب المرجله ماهي سهاله = ولاهي بالتصنع والهقايا
وجا وقت المظاهر والهباله = قلوب كبار وبطونٍ ملايا
يغر اللاش ويظن بخياله = محد مثله ليا حلت بلايا
يستل هرج ويميل عقاله = بزعمة شيخ ويحل القضايا
هزيل الراي وفعوله هزاله = غفا قلبه ورى حدب الحنايا
يسب اهل الوفاء حقد ونذاله = قصير الباع مشبوه الجنايا
عليك اللوم ياوقتٍ صفاله = تعز النذل وتهين الطنايا
تهين اللي يقدر من عناله = ولايبخل بمال ولا حمايا
الاياوقت ياوقت السفاله = ظلمت وجرت وزودت الخطايا
* ثامر بن قطيم السبيعي *
[/poet]
تقبلو فائق تقديري واحترامي ....