صارت الرجلين روس وروسها حدري يديها

[سلطان البرازي]

الى أعضاء منتدى الغلباء الكرام اهدي لكم القصيده الجزله للشاعر ناصر بن ضبيب البرازي موجهها الى الشاعر محمد الخالدي

تل قلبي تـل جمـس تلـه السايـق بلفـه =يوم شاف الشوفه اللي قدم عينـه مايبيهـا
شاف دورية الحدود وموتر الشرطه بصفـه= والحموله مـن شمـال الحدتـوه مشتريهـا
جابها من فوق ظهر الجمس ضفة فوق ضفه = لاتبيض وجه راعيها وسـم المـوت فيهـا
يوم جاهم يحترونه من ورا قفقـوف طفـه =الرجـال اللـي مواقفهـا بلدهـا تحتميهـا
طالع الرماي يـوم إنـه طرقهافـوق كفـه =في دواليـب الونيـت وفالمكينـه محتديهـا
وثورالثاني عليه وفوق شعرالـراس حفـه =والقزازه قدم وجهه بيـن المضـراب فيهـا
عشقه ثالث وتلـه مـع صحاصيحٍ(ن)تنفـه =وروح الجمس الامريكي يـم دارٍ منتويهـا
تلته تشبـه القلبـي يـوم هاجوسـه يدفـه =لاتذكرلـه سنيـنٍ ٍماضـيـاتٍٍ مانسيـهـا
لاتذكرمقطرالـبـدوان ونشورٍ(ن)مضـفـه =في مرابيـعٍٍ جميلـه والخـوارج ماتجيهـا
والسوالف مع هل الطولات والجلسه برفـه = وشربةالفنجـال مـن دلةكريمٍ(ن)معتنيـهـا
مع برازاتٍٍ ترجـح فـي لقاهـا كـل كفـه = لو بعدفعولهم تصعب على اللـي يحتصيهـا
وكل منهم حاش فعل الطيب في صفحة ملفه =هم عزيزين النفـوس اللـي مكملهاوليهـا
في بيـوتٍٍ كنهاشمـخ الجبـال المزلهفـه =كل طرقـيٍٍ يبـي قولـة تفضـل يمتنيهـا
ياعسى مدهالهـم يسقيـه همـال المرفـه =مـن مـزونٍٍ سيلهاعالـي شجرهايعتليهـا
تنبت الريضان عقبه والعشـب تكبرزوفـه =والزبيدي من هطول الوسم يجنيـه بدويهـا
ويوم صارعت الزمان اللي تروعني جنفـه =ياهجوسي عبري لـي والمشاعرصخريهـا
وخبري عني محمديوم شفـي مثـل شفـه =خابر ٍ حب البداوه وسـط قلبـه محتويهـا
يامحمدصاحبـك ذاق العسـل والمرسـفـه =ويش أسوي فـي عيـونٍ شوفهايثرعليهـا
ضيقـت قلبـي علـيّ ودمعهاعيـت تكفـه =وقلت هودي ياعيونـي والليالـي سايريهـا
وانت ماشفت الزمان اللي تروعنـي حوفـه=صارت الرجلين روس اوروسهاحدري يديها
يابوناصرلاتخلينـي علـى جـال المهـفـه =وانت شاعروالمراجل خابرإنـك محتسيهـا
من صواريم الرجال اللي تفـك المستخفـه =يوم عسـرات المواقـف فعلهايشهدعليهـا
الخوالـد كـم شجـاعٍ باللقاراسـه تزفـه =بالسيوف اللي تبيـن فعولهافـي معتديهـا
والمجرب كل شيئ ٍ عـارفٍ ثقلـه وخفـه =والمسافـه مايكلـف بعدهااللـي مهتويهـا
والسموحه منك والناقص من المجهودوفـه =والإجابـه لاتوخرهاعـن اللـي يحتريـهـا

وسلامتكم ياالغانمين

[العـــــــــارض]

والسموحه منك والناقص من المجهود وفـه
والإجابـه لاتوخرها عـن اللـي يحتريـهـا


صح لسان الشاعر بن ضبيب

وبيض الله وجهك

ولاتنسى رد الخالدي .

[مخايل الغربي]

الاخ سلطان البرازي حفظه الله عنوان القصيده خطا لان العرب تقول ما يستوي الغارب والسنام والسلام

[سبيعN1-1]

YES YOU ARE RIGHT BUT IF IT WITH RELIGION IT WILL BE GOOD. GOD PROTECTS YOU ALL COUSIONS!!
NAWAF BIN SHAYFAN:Untitled-

[سبيعN1-1]

[سلطان البرازي]

الاخ العارض صح لسانك وشكر للمرورك العذب في متصفحي وانشاالله باالوقت القريب نجيب رد الشاعر محمد الخالدي

الاخ مخايل الغربي حياك الله على المرور والمقصد من عجز البيت صارت الرجلين روس اوروسهاحدري يديها هو من المبالغه فقط والمبالغه معروفه في الشعر العربي (صيغ المبالغه ) واليك من المبالغه في الشعر العربي بيت المتنبي في مدح كافور الأخشيدي
تجاوز حد المدح حتى كأنه = بأفضل مايمدح به يعابو
وهل يعاب الرجل بأفضل مايمدح به؟ باالطبع لا ولاكن ذلك فقط للمبالغه
بعدين انت تقول (العرب تقول ما يستوي الغارب والسنام) ياليتها كانت استوت
لأنها لم تستوي في العنوان فدع القلق ياصاح لأن الروس مهما جار عليها الوقت بأرتفاع الأذناب يبقى التعريف الأسمي لهم الروس والأذناب والأرجل اجلك الله واجارك منهم اذناب ولب الموضوع (المبالغه)
دمت بخير اخي مخايل الغربي

الأخ (سبيع أو نواف بن شعيفان والله مدري) مابعد صرنا نصارى أويهود أو في منتدى تعليمي للغه حنا في منتدى رياجيل مطانيخ سبيع الغلباء فيا رعاك الله ردك لا اتشرف به في متصفحي ولا يليق باالنك نيم حقك
دمت بخير ،،،،،،،،،،،

[صامل الميقاف]

إلى أعضاء منتدى الغلباء الكرام أهدي لكم القصيدة الجزلة للشاعر / ناصر بن ضبيب البرازي موجهها إلى الشاعر / محمد الخالدي

تل قلبي تـل جمـس تلـه السايـق بلفـه =يوم شاف الشوفه اللي قدم عينـه ما يبيهـا
شاف دورية الحدود وموتر الشرطه بصفـه= والحموله مـن شمـال الحد تـوه مشتريهـا
جابها من فوق ظهر الجمس ضفة فوق ضفه = لا تبيض وجه راعيها وسـم المـوت فيهـا
يوم جاهم يحترونه من ورا قفقـوف طفـه =الرجـال اللـي مواقفهـا بلدهـا تحتميهـا
طالع الرماي يـوم إنـه طرقها فـوق كفـه =في دواليـب الونيـت وفالمكينـه محتديهـا
وثور الثاني عليه وفوق شعر الـراس حفـه =والقزازه قدم وجهه بيـن المضـراب فيهـا
عشقه ثالث وتلـه مـع صحاصيحٍ (ن) تنفـه =وروح الجمس الأمريكي يـم دارٍ منتويهـا
تلته تشبـه لقلبـي يـوم هاجوسـه يدفـه =لا تذكر لـه سنيـنٍ ٍماضـيـاتٍٍ ما نسيـهـا
لا تذكر مقطر الـبـدوان ونشورٍ (ن) مضـفـه =في مرابيـعٍٍ جميلـه والخـوارج ما تجيهـا
والسوالف مع هل الطولات والجلسه برفـه = وشربة الفنجـال مـن دلة كريمٍ (ن) معتنيـهـا
مع برازاتٍٍ ترجـح فـي لقاهـا كـل كفـه = لو بعد فعولهم تصعب على اللـي يحتصيهـا
وكل منهم حاش فعل الطيب في صفحة ملفه =هم عزيزين النفـوس اللـي مكملها وليهـا
في بيـوتٍٍ كنها شمـخ الجبـال المزلهفـه =كل طرقـيٍٍ يبـي قولـة تفضـل يمتنيهـا
يا عسى مدهالهـم يسقيـه همـال المرفـه =مـن مـزونٍٍ سيلها عالـي شجرها يعتليهـا
تنبت الريضان عقبه والعشـب تكبر زوفـه =والزبيدي من هطول الوسم يجنيـه بدويهـا
ويوم صارعت الزمان اللي تروعني جنفـه =يا هجوسي عبري لـي والمشاعر صخريهـا
وخبري عني محمد يوم شفـي مثـل شفـه =خابر ٍحب البداوه وسـط قلبـه محتويهـا
يا محمد صاحبـك ذاق العسـل والمرسـفـه =ويش أسوي فـي عيـونٍ شوفها يثر عليهـا
ضيقـت قلبـي علـيّ ودمعها عيـت تكفـه =وقلت هودي يا عيونـي والليالـي سايريهـا
وأنت ما شفت الزمان اللي تروعنـي حوفـه=صارت الرجلين روس وروسها حدري يديها
يا أبو ناصر لا تخلينـي علـى جـال المهـفـه =وأنت شاعر والمراجل خابر إنـك محتسيهـا
من صواريم الرجال اللي تفـك المستخفـه =يوم عسـرات المواقـف فعلها يشهد عليهـا
الخوالـد كـم شجـاعٍ باللقاراسـه تزفـه =بالسيوف اللي تبيـن فعولها فـي معتديهـا
والمجرب كل شيئ ٍعـارفٍ ثقلـه وخفـه =والمسافـه ما يكلـف بعدهااللـي مهتويهـا
والسموحه منك والناقص من المجهود وفـه =والإجابـه لا توخرها عـن اللـي يحتريـهـا

والنعم بالبرازات ومشكور وما قصرت والله لا يهينك