سبيع المناعير

[السويدي حمد]

سبيع الغلباء نهاركم سعيد
هذه القصيدة الثانية لكن غير وأعتقد بتحطونها ضمن القصائد
المميزه إلا اذا عندكم رآي أخر يالله ننتظر ونشوف ورآيكم مهم
،،،،،،،،،،،،

ياناعم الخدين سيد الغنادير**خبرك قديم ومامضى غيرمحسوب

لاتاخذ الدعوى تخّيل وتصوير**ماهوب انا اللي ينجبر فيك ويذوب

حاول تخلصنا وتخلص على خير**ماينفـع التلميح في رد مكتـوب

اما تروح وجعل دربـك مسافير**وإلا تجي برضاك مافيه مغصوب

ماودنا تبقى كذا دون تفسير**طبعي صريح وعندي الصدق مطلوب

لاتحسب اني جاهل الحب وصغير**تلعّبه الدنيا على كيف رعبوب

وكانك مثل ماقلت ناس مشاهير** ماندعي في حق الاجواد عذروب

لكن هـذا غير واللي حصل غير**والحب مايعرف حضارات وشعوب

واذاغدت لآنساب حجّة وتبرير**هيهـات يادوبك على الخـط يادوب

انا مـن الغلباء سبيع المناعير** قوم لهـم فالمجـد ساحات ودروب

لاساقت الايام حوض المقادير**نشرب بعز وشامخ الراس منصوب

اخوكم السويدي حمد

[خيَّال الغلباء]

صح لسانك اخوي حمد السويدي قصيدة جميلة

[خالد الشماسي]

صح لسانك أخوي حمد قصيدة رائعة


وبدون ما تمدحها ، حنا بنكفيك مدحها




سلمت يمينك وآمل منك اعادة تنقيح الأخطاء الإملائية مثل هذا الشطر

وإلا تجي برضاك مافيه بمغصوب



متمنيا لك دوام التوفيق

[السويدي حمد]

الاخ خيال الغلباء

مشكووور ع مرورك وبيض الله وجهك

تحياتي

[السويدي حمد]

الاخ خالد الشماسي

لاهنت على المرور ولفت الانتباه وهذا ليس

بغريب عليك وانت ربان السفينه،،،

تحياتي

[قائد الطائره]

صح لسانك

[علي بن عساف الحضبي]

]مشششششششششششششششكور على القصيده الطيبه وفالك المليون

[{ السويدي }]

السلام عليكم ورحمة الله تعالى وبركاته


شكراً اخوي حمد السويدي وبيض الله وجهك

اما المدح ابد مكفي حنى نمدحا

ولاهنت وصح لسانكـ

[سعود الزرفل]

صح لسانك ومافيك حيله

[السويدي حمد]

أحبتي الأعزاء

قائد الطائرة + سبيعي والفخرليه

+ السويدي + سعود الزرفل

صحت ابدانكم وبيض الله وجيهكم يابني عمي

والمليون خذه شاعراً صوتت له القبيلة عن بكرة

أبيها واعتقد قصدي واضح ومحد يزعل من الحقيقه

ولمن قام بالرد لكم تحياتي ،، اخوكم

السويدي حمد