منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
هذه القصيده للشاعر / غانم بن نوار السبييعي مدح في 00 مجري بن مسند بن حشر البسبيعي
سلام للي يرفع الراس طاريه
اللي لنا من طاري اسمه مهابه
شيخ" علا العليا تسوقه هقاويه
ذيب" تسلسل من عرين الذيابه
يامن به الصاحب ويشبع بناخيه
ومن رافقه مامل رفقة جنابه
ان كان به للطيب راعي فراعيه
مجري ولد مسند نعم لا غرابه
راع الكرم فالطيب محد" يجاريه
له مجلس" للضيف ماصك بابه
اليا عطا مامن ماكان معطيه
يوم ان بعض الناس رزقه هبابه
والياحماالموقف وشانت به وجيه
يقدم له مجري بعزم وصلابه
شجيع راس وباس محد" يحاليه
اخو حشر عساه ياكل شبابه
حقه علي المدح واجب وباديه
وراع العمل يجزا بقدره ثوابه
وانا افتخربه يوم تحمد مساعيه
وغيري بعد تفخر قبيله ولابه
تشهد له الاجناب واللي مخاويه
غير الكرم والطيب خلق وذرابه
هذا بعض مانذكره من حسانيه
ومحاسنه ماتنحصر بالكتابه
الشعر في شرواه تعلو معانيه
لانه علو وكل عالي رقابه
وختامها يالله ياربي تخليه
للي ليا صكت عليه التوابه
التعديل الأخير تم بواسطة مجري مسند حشر ; 10 - 04 - 2009 الساعة 20:58
سبب آخر: تكبير حجم الخط
غير متصل
