بسم الله الرحن الحيم
إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم هذه القصيدة للشاعر : مشرع ذعار العوهلي
النصيحة :
بداية ما نقوله ذكر ربي= عسى ربي على الحق يهداني
يوفقنا رضاه وما يحبه =رضا المعبود هو خير التماني
ألا يا كثر ما شافت عيوني= ويا كثر أهل التكاسل والهواني
كسولاً بس في اداي الفريضه= وشفوقاً حرص في باقي المعاني
ليا منك نصحته عن معصيه=يصيبه من مجالسك الجناني
تضايق منك ما يبغي النصيحه= وقال الله بهذا وش بلاني
يطالع فيك بس بنص عينه =وقال أبوي قبلك ما نهاني
أنا أفهم منك لكن حيل عني =تبي تنصح دور شخص ثاني
عصى شورك وشورة ما يدله =عسى ربي من الجهل يحماني
غشيم يدعي طرق المعرفه =يحسب العلا مثل الطماني
لاشك العرف يبغاله تجارب =سنين عجاف وسنيناً سماني
يقال اللي غشيم في الصقاره=يحسب الحر الأشقر بغبغاني
مادام النفس في الدنيا عدوه =أبغنمها قبل فوت الأواني
ما أطاوعها ولا أمشي في هواها= ما دام أنها على النار تحداني
ما دام الموت حبلاً في وريدك=تعبّد خالقك سر وعلاني
لا فات الفوت ما فاد التمني =تجي دورات بقعاء في ثواني
ما دام المرء يعرف من جليسه =مثل معروف من ماضي الزماني
إن كانه طيب عدوّه طيب =وإن كانه اهدان قالو لك اهداني
تجنب من تشك أنه دويني=وخلك مع طويلين اليماني
جليس السوء جنب وش تبيبه= ما دام مكسبك منه الهواني
طراة الرجل في مقدم شبابه =يحوش المرجله والعمر فاني
وسنام المرجله في طاعة الله =لحزت رضاه تضمنها ضماني
إليا أديت الفروض للي فرضها =تبشر بالفرج يامود ماني
توجه للولي وأرفع يدينك =لا تتطلب فزعة إلا المستعاني
أقيم الفرض وبر بوالدينك =ترى المحسن يجازى بالحساني
وعزك للخوي وإكرام ضيفك =وقار الجار وحقوق العواني
تراها من المواجيب المهمه =فرضها من فرض صوم رمضاني
ولا تطرد وراء زله رفيقك =وخلك من وسيعين البطاني
تجاهل غلطته وأرفع مقامه =وعزه في قسا ولا لياني
لجاك بعلم غلتطه النقيلي =فقول العلم ماهوب يعناني
ولا تصبر على عجفاء عدوك =ولا تأمن نوايا القلباني
لامنه زل مدهون الصلايب =سوقه في السنع سوق السواني
تحيزم للعدو والطم شباته =ما يرضي الهون ياكود الجباني=
ولامن احتجت من يقضي لزومك= لا تنصا لك صديقتً كهكهاني
هروجه في العوافي لا تغرك =يهوم المرجله والحيل واني
لا تنصا غير محمود السجايا =يزيل الهم لا جيت كحيلاني
يرحب بك ويقضي لك لزومك =مادمت بجانبه بأمن وأماني
نصيحة قلتها للي يبيها=ما أخص بها فلان ولا فلاني
بعدها أرجو المعذرة والسموحه= إن كانه زل في قولي لساني
وصلاة الله على المبعوث فينا =عدد ما هل ودان الغشاني
غير متصل
