هذولا هم الغلباء هذولا هم الصلفين = نهار المزاحم حوض الأقدار يردونه
كُتب : [ 29 - 09 - 2009 ]
بسم الله الرحمن الرحيم
إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : لقد وجدت هذه القصيدة للشاعر / مسلط بن حسن العتيبي مهداة في مدح الشيخ / مسلط بن شعيفان اّل أبو اثنين ومن ثم قبيلة سبيع بن عامر الغلباء ويقول في مقدمتها : هذه القصيده مهداة للشيخ / مسلط بن شعيفان أبو ثنين السبيعي ومناسبتها بعد ما سمعت عن صيت أبو ثنين وقصائده الجزلة التي أعجبتني وخاصة القصيدة التي يقول فيها أبو ثنين :-
قـالـوا هبـيل وجايز لي إهبالي
= إهبال طيب ولا صحاوة رخامه
وأبو ثنين يقول ويفعل ذكره طيب مع الناس ومعروف عند القاصي والداني وأنا بهذه المناسبة رديت فيه هذه القصيده أقول فيها :-
أبا أبدا بذكر الله وأسلم على أبو اثنين =على الشيخ مسلط جعل الأنذال يفدونه
سلامي على مسلط عدد من سكن بالصين =وعدد وابل الوسمي إليا هلت مزونه
أنا أسمع بصيته مير أبي شوفته بالعين =قبل لا يحيل الموت يالربع من دونه
تنشدت عن مسلط ودلوني الذربين =وقالوا ترى كل المناعير ينصونه
فرح خاطري باللي سمعته عنه ذا الحين =وقبلي طحاطيح الرياجيل يطرونه
نبيع الرخوم ونشتري خوة الغالين =ما دام إن روحي مع هل الطيب مرهونه
عزيز الجناب وصامد في العسر واللين =يجي ثابتٍ مثل الجبل ما يهزونه
يجي فزعةٍ للي عشرهم تجي ثنتين =وهداج تيماء يروي اللي يرودونه
من اللابه اللي دايمٍ بالكرم ضارين =زحول الرجال وجارهم ما يضدونه
هل الماقف الطيب هل السيف أبو حدين =على قمة التاريخ والمجد يبنونه
هذولا هم الغلباء هذولا هم الصلفين =نهار المزاحم حوض الأقدار يردونه
هل الجيش وأهل الخيل لطامة المخطين =كعام الخصيم وكل طامع يردونه
مدحت السبيعي والسبيعي من الوافين =ومن يمدح الطيب حشى لا تلومونه
سمعت القصيد وشاقني بالكلام الزين =بيوته عن الزلات والنقد مصيونه
مثل ما بدينا بذكر اللي حمى البيتين =جزيل العطايا والمخاليق يرجونه
هذا والله يحفظكم ويرعاكم منقول مع خالص التحية وأطيب الأمنيات وأنتم سالمون وغانمون والسلام .
رد: هذولا هم الغلباء هذولا هم الصلفين = نهار المزاحم حوض الأقدار يردونه
كُتب : [ 29 - 09 - 2009 ]
مشكور وما قصرت ولا هنت
لي عدت فعول القبايل والأفخار = لنا من الناموس مثنى ومربوع
فعول عسرات على كل مختار = نهوم للعليا بشيمات وطبوع
بني عمر بالله لهم حظ وأنصار = شر على اللي يلبس الجوخ ودروع
حنا هل الملحة وحنا هل الكار = من مثلنا يدي بها رجل جربوع
بني عمر يدون بكبار وصغار = ووجيههم ما تعطي البطن منفوع
الجليس الصالح كحامل المسك والجليس السوء كنافخ الكير
رد: هذولا هم الغلباء هذولا هم الصلفين = نهار المزاحم حوض الأقدار يردونه
كُتب : [ 30 - 09 - 2009 ]
مشكور وما قصرت ولا هنت
[size=4][align=center]يقول أبو زيد الهلالي سلامه = أدعى سو بقعاء مقدم الراس شايب
أخاطر بعمري في ذرى كل هيه = مر (ن) سلامات (ن) ومر (ن) مصايب
الإجهاد عدّى اللايمات عن الفتى = والأرزاق ما تأتي الفتى بالغصايب
رد: هذولا هم الغلباء هذولا هم الصلفين = نهار المزاحم حوض الأقدار يردونه
كُتب : [ 30 - 09 - 2009 ]
مشكور وما قصرت ولا هنت
حنّا سبيع أهل الطروق المخلات = وحنّا سبيع أهل السيوف الشطيرة
وحنّا سبيع أهل السلوم المنقات = لنا وجيه وجاه يذري وجيرة
وحنّا سبيع إن قيل يا سبيع ردات = نرمي بغالي الروح وسط السعيرة
من غير قاصر في جميع السموّات = قبايل (ن) بسلومها مستنيرة
غير متصل
هذولا هم الغلباء هذولا هم الصلفين = نهار المزاحم حوض الأقدار يردونه
