مواقف طريفه من شاعر المليون تحسب له وعليه

[ابن جعوان]

حبيت أشارككم بمواقف طريفه تضحكني في برنامج شاعر المليون واللي عنده شي يرمي لنا ما في جعبته

1-أكثر موقف يضحكني لما يقولون للشعراء تعالوا نسمع رآي جمهوركم فيكم ويقدمون روبرتاج فيه أطفال وناس
من الشارع يمكن ما يعرفون حتى إسم الشاعر زين ونسمع تعليق الناس بأن هذا الشاعر مميز أو بيآخذ البيرق خخخ
طيب اذكر شئ تعرفه عن الشاعرمثلا قصيده مميزه تخص الشاعر بين لنا إنك معجب حقيقي!! يعني تمثيل في تمثيل
2- اللي يضحكني وأستغرب قبول الشعراء به طبعا وجهة نظر شخصيه هو وقوف الشاعر وقفه كأنه بيصلي
والكاميرا تدور من فوق لتحت ومن كل الإتجاهات دعايه للشاعر خخخ الوقفه نفسها تجي غلط ما فيها أي شئ مميز أو
حتى عفويه تكّلف زياده عن اللزوم وطريقة تحريك الكاميرا من عدة إتجاهات تحسسك كأنهم بيصورون مجرمين حبوس
3- لما يحطون الكاميرا على نشـوى الرويني وهي تبتسم وكأنها فاهمه القصيده مع إنك تشعر من نظراتها
إنها ما تعرف تفرق بين الصبوع والسبوع والطريف أنه مستحيل تمر عليهم حلقه بدون تصويرها وكأنهم ملزومين
4- صوت النبره المميزه للناقد دكتور حسان اللي أول ما تسمعه للوهله الأولى تحس إنه بيرتجف من الخوف
5- وضع الكاميرا على وجه الشاعر اثناء تصويت جمهور المسرح لدرجة انك تشوف كل الحب اللي بوجهه وتشوف كم شرخ بخده
6- لما الشاعر يخلص قصيدتة وتجيه دارين وتقوله ( ماعليك زود وماقصرت ) كيف يعني ماعليك زود البنت تبي تقلدهم ماهي عارفه
وشلون خخخخخخخ مثل الي صار مع الهاب الحربي هههههه
7- الدكتور/غسان الحسن عندما يريد التعليق على الكصيدة والجمهور يقوم بالتصفيق والتصفير للشاعر
وقتها احس انه وده ينفجر من الزعل والغضب ويازينه وهو معصب يهبل
8- المذيع/حسين العامري عندما يعلن خروج احد الشعراء من المسابقه ويحاول ان يعطي الشاعر المايك
ويطول الشاعر بالكلام وهو يحاول يسترجع المايك وينفخ عليه الشاعر احسه يعطيه فرصه وهو خايف

هذا بعض ما يضحكني في هذا البرنامج ومواقف تضيف له نكهه خاصه أتمنى معرفة ما يضحككم في هالبرنامج

[خالد الشماسي]

والله يا ابن جعوان


اكثر شيء استغربه عندما يقول احد اللجنة لأحد الشعراء


ارق سنود


وشهادتي فيك مجروحه


وانت ابن عم




احس ان الدعوى هجوله او بالمزاج

يطلع يطلع يفارقنا يفارقنا


يعني بالمزاج عندهم



النقطة الثانية


احس ان سالفة ورقة العبور جاءات بعد النتائج يعني ماهي مخطط لها من قبل


لدرجة ان المشعان واللجنة ما يدرون وش السالفة