الإخوة أعضاء وزوار منتديات قبيلة سبيع الغلبا يسرني أن أنقل لكم قصيدة للشاعر عايش بن هاضل الصندلي السبيعي بعنوان مجد القبيلة وإليكم القصيدة:
يصبر على الشدة قوي العزايم
=قول(ن)عليه اهل المعرفة شهودي
تلقى العظايم في الرجال العظايم
=وتلقى الردية في ضعيف الزنودي
تاريخ ربعي ينعرف في القدايم
=يبنون للمجد العصامي عمودي
في الجاهلية يوم قطع الخرايم
=يردون يم الموت ورد العدودي
كسابة الطولات والحظ قايم
=وان عاهدوا ماينقضون العهودي
على ظهور مصارعات الشكايم
=لهم فعول(ن) ماجحدها الجحودي
يشبع بها السرحان والطير حايم
=لاجا لصوت الملح مثل الرعودي
كم فارس(ن) حطت عليه الرزايم
=في وردهم بمصرمات العضودي
خيالهم كنه على الحرب هايم
=ورمايهم عنه الروامي تحودي
وجيرانهم في حالة اليسر دايم
=ودخيلهم يامن بليا قيـــــودي
آلاد صندل كاسبين الغنايم
=ياما مشوا في حشمة أم القعودي
فرسانهم مايقبلون الهزايم
=لاهاب من صوت الرصاص الشرودي
واليوم في الاسلام مابه ظلايم
=الشــــكر لله ثم لحكم السعودي
الذيب ماترتاع منه البهايم
=والعود يكسر في عيون الحسودي
بملوكنا مانستمع لوم لايم
=يالله عساهم دايم(ن) في الوجودي
قضوا على الارهاب وأهل الجرايم
=بدرع(ن)عن الارض العزيزة يذودي
يجلي عن الوجه البشوش الغمايم
=ويرقى بها الحظ الموفق سنودي
غني على الغصن الخضر ياحمايم
=دام العرين مرصع(ن)بالاسودي
لاذعذعن وقت الصباح النسايم
=قطفت من بين الزهور الورودي
بيوت شعر(ن)ماعليهن قسايم
=بخط اليراعة من يدين البرودي
لا دلبح الهلباج ماني بنايم
=اطلب رضا المعبود خير معبودي
عن مجلس(ن)مايرفع الراس شايم
=مجنب(ن)عن سوق نقص(ن)وزودي
العرف له بين العوارف علايم
=والشعر ينقد مثل عد النقودي
يظهر فعول معصبين العمايم
=ونجنده للحرب مثل الجنودي
وصلاة ربي عد ماصام صايم
=على محمد عد رمل النفودي
منقـــــــــــــــــــــــــــــول وسلامتكم .....
غير متصل
رد: مجد القبيلة
