صباحكم / مسائكم بالخير والمسرات
قصيده جميله للشاعر : راكان بن بدن السبيعي
الروس تبقى روس وادّاحم الروس
..........................................غصبٍ على اللي ماحلم بالرياسه
وألا أنت طول العمر تابع ومريوس
..........................................ما انته من اللي يقدح العلم راسه
حطوك لعلوم المناعير دبّوس
..........................................عايش على علم الردا والنجاسه
لاصار خفاّقك من الحقد متروس
..........................................بتموت ماعمرك شعرت بوناسه
زعامتك كذبه ، وأمانيك كابوس
..........................................مالك هدف بيّن ولالك سياسه
الله خلقنا نقدح العلم ونروس
..........................................ما الله خلقنا نعيش عيشة بساسه
ناطا على روس الثعابين وندوس
..........................................ونعلّم الجاهل ليا اخطا مقاسه
كلٍ وله مبدا ومرجع وقاموس
..........................................الدرس واضح مايبي له دراسه
أحدٍ يلدّه موس ويطوّعه موس
..........................................وأحدٍ قوّي الباس .. ماهز باسه
الحمد لله نرفع الراس ناموس
..........................................والرجل وش هو لو تراخا حماسه
تبقى الكرامه تاج والطيب ملبوس
..........................................وكلٍ على قدره يفصّل الباسه
وأن كان عادك تاخذ بعمرك دروس
..........................................خذ كلمة اللي يقدح العلم راسه :
الروس تبقى روس واطوّع الروس
..........................................غصبٍ على اللي ماطمع بالرياسه
ْ
ْ
راكان بن بدن
غير متصل
