مجموعة من قصائد شاعر الملوح / مناحي بن مفلح بن نمشان الملحي
رحمة الله رحمة واسعة
لي ديرتن نرخص لها كل غالي=من دونها فيما نوده زهدنا
إنا حماها من قديم ٍ وتالي=وفجر الحمى ماهب ياصل بلدنا
إنا لها من كل شمس ٍ ضلالي=وهي إمنا اللي من غذاها حمدنا
لا تقترب وأنا ملوح ٍ نصالي =من دونها فالحرب يغذى ولدنا
من دونها نتعب شيوخ الرجالي=لو كل بدن قايمن ما ضهدنا
لا هاض فيها من عدانا مجالي =العاقب اللي مايوفي عددنا
ملوح ٍ قدايمنا تبذ الحلالي=تبطل حرايب ضدنا لا رصدنا
لا غطرف الصايح خلاف التوالي =كم غارتن فأنحور اهلها ركدنا
يفرح بفزعتنا الرفيق الموالي =ويزري مدد حرابنا في مددنا
تمت بذكر اللي على الناس عالي=اللي فلا غيره عوين لجهدنا
يقول ابن نمشان من بعد ما بدى=في مرقب ٍ هيض جديد المثايلي
شمال ٍ عن العوجاء توصيف مرقبة=جنوبي شعيب ٍ من حشيم المسايلي
وقالن عن الرمضى دماثن من الحفى=تحدر مسيله مدلهم المخايلي
شعيب ٍ يطول أبنا وحنا نطولبه=وهو في ذرى الله من خطا كل عايلي
لا شاف منا نزلة ٍ في جوانبة =يطرب حمامه في نديف الضلايلي
ثم في ذرانا لا نوابه قبيلة =لو قيفت معهم جميعالقبايليٍ
لا يقترب جمع ٍ قليل ٍ على القدى=قومت هل الصايب تخف الثقايلي
ولا يفتخر جمع ٍ كثير ٍ على الخطا =يحذر على الجمع الكثير الفشايلي
لون ربع ذعار معنا على العداء=ما عندنا لو يكثرون الدبايلي
أهل الشعيب اللي تومن جوانبه=دولة فضى مروين حد السلايلي
لو كان بأمر الله ولو صعب ضدنا =نشوق منا له صديق ٍ يخايلي
على كثر ما هاز العواير من الخطر=مكيالنا يرجح بوافي المكايلي
لا يفخر العايل إليا طب عيله=ويحذر على الجمع الرزين الفشايلي
كلام نقيته من فحوس ٍ تحسني=هو دونكم يا حافظين الرسايلي
كلام ٍ إليا عرض له وسط مجلس=تشهد بفعله طيبين الحمايلي
تمت وصلى الله على سيد البشر =شفيعنا لا جاء نهار الهوايلي
غير متصل
لا تقترب وإنا ملوح ٍ نصالي = من دونها فالحرب يغذى ولدنا
