جيرة الشاعر / مزيد المطيري للشيخ / عبدالله بن صياح العزة

[خيَّال الغلباء]

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : فقد اشتهرت قبيلة سبيع بن عامر الغلباء من ساسها بطيب الجيرة حتى سموا بمدلهة الجار وأصبحت مضرب مثلا في حسن الجيرة بين القبائل العربية ولهم الكثير من القصص التي تؤيد ذلك وعلى رأسها قصة مفرج السبيعي مع مهمل المهادي والخلف ليس دون السلف وقصص جيرة قبيلة سبـيع بن عامر الغلباء لا تنتهي ولا يفيها حقّهـا كتبا مجلّدة ومنها قصة الشيخ / عبدالله بن صياح العزة مع جاره الشاعر / مزيد بن حسن السريحي المطيري والذي وجد عنده الحشمة والتقدير وبعدما افترقا تذكر الشاعر / مزيد بن حسن السريحي المطيري جاره الشيخ / عبدالله بن صياح العزة السبيعي وحسن استقباله لجيرانه بمزيد من الحفاوة والترحيب والطيب معهم فقال هذه القصائد :-

يا حيسفا يالقرم ذرب اليميني= اللي عسيرات المراجل حواها
ريف الضيوف اللي لفوا مقبليني =في ليلة يسوى الذبيحة ذراها
في ليلة من بردها مخطريني= شملة تقالبهم ويمطر سماها
هلا بهم من خاطر ما يشيني= ومن حشمة الخطار عجل عشاها
صباب دهن السمن فوق السميني= كرامة للي تكرم لحاها
ريف القصير ومدهل الغانميني= ويفرح به اللي حاجته ما قضاها
عد إلى منك وردته رسيني= هداج تيما ما تغيضه دلاها
طيب ومن ناس بعد طيبيني= سبعان ما والله يقرب حماها
غلبا سبيع اللي تروي السنيني =فوق المهار اللي تسالس حذاها
يشهد لهم عود القنا والعريني= على ظهور الخيل في ملتقاها
غلباء إلى رز اللواء بالبطيني= إليا صاح صياح الطويله لقاها
قاس الطراد مطوعينه بليني= أهل سربة يفرح بها من نخاها
كل العرب لفعولهم خابريني= أفعالهم بالصحف كلن قراها
أفعالهم في ماضيات السنيني= تعرف إلى ركب المحالة ارشاها
هذا وسلم لي على الحاضريني= وعلى سبيع الله يطيب ثراها

وقال أيضاً الشاعر / مزيد بن حسن السريحي المطيري في قصيدة أخرى :-

يا أهـل الونيت اللي مشى فجر الإصبـاح=يا مبعدين من المراح المصابيح
الله يمشيكم على درب الأفـلاح=ما تاخذون رسالتي يا مفاليح
عنوانها مرسول يم ابن صـيّـاح=وأنتم بعد عنده على هبت الريح
واليا لفيتوا عند كسّـاب الأمداح=ذبّـاح للـلافين كبش المصاليح
ردّو سلامي عد ما بارقً لاح=أو عـد ما تمطر حقوق المراويح
لأبو محمد شوق عجاج الأريـاح=عز الرفيق اللي جرى له سواميح
عبدالله اللي للصعيبات نطّـاح=إليا زهمته ما يعرف التصافيح
مفراص ماص للمفاريص مـفتاح=مثل ما تعبا للقفول المفاتيح
من لابة يوم اللقا تهدي الأرواح= فكاكة التالي إلى أقفوا مدابيح
غلباء سبيع مروية علط الأرماح =خيالهم بالخيل ياخذ مساريح
غلباء سبيع أهل المروة والأمداح= أهل بيوت (ن) شيدوهن مداويح
ما دوروا في مالهم زود الأرباح= ما حاشت إيديهم يقلط مفاطيح
بدرب الكرم والمرجلة ما هم شحاح =لو ركبّت شهب الليالي الشلافيح
أقولها ماني بالأمثال مزاح =أعد فعل سبيع غلباء الزحازيح

منقول مع خالص التحية وأطيب الأمنيات وأنتم سالمون وغانمون والسلام .

[فـــالح السبيعي]

يستاهل الشيخ عبدالله بن صياح السبيعي

وصح لسان الشاعر مزيد المطيري

ولاهنت ياخيال الغلباء

[خالد الشماسي]

صح لسان الشاعر مزيد المطيري ويستاهل الشيخ عبدالله بن صياح العزة


ولا عليهم زود مطير حمران النواظر


قبيلة لها تارخها المجيد ومواقفها المشرفة




لا هنت أخي خيال الغلباء

[خيَّال الغلباء]

بسم الله الرحمن الرحيم

الاخ الفاضل فالح السبيعي السلام عليكم ورحمة الله وبركاته وبعد لك الشكر على المرور ولايهونون مطير حمران النواظر ويستاهل الشيخ عبدالله بن صياح المدح والسلام

[واضح]

الأخ الكريم خيال الغلبا
جزاك الله خير على ايراد القصيدة
صح لسان الشاعر مزيد المطيري ويستاهل الشيخ عبدالله بن صياح العزة

[خيَّال الغلباء]

أخي الكريم وأستاذنا الفاضل / واضح السلام عليكم ورحمة الله وبركاته وبعد : شكرا جزيلا لك على مرورك الكريم بقصائد الشاعر الكبير / مزيد بن حسن السريحي المطيري في الشيخ / عبدالله بن صياح العزة السبيعي وفي قبيلة سبيع بن عامر الغلباء والله يعافيك ويبارك فيك ويجزاك خيرا هذا وتقبل فائق الشكر والإمتنان مقرونا بجزيل المحبة والإحترام مع خالص التحية وأطيب الأمنيات واسلم وسلم والسلام .

[خيَّال الغلباء]

المشاركة الأصلية كتبت بواسطة خالد الشماسي

صح لسان الشاعر مزيد المطيري ويستاهل الشيخ عبدالله بن صياح العزة


ولا عليهم زود مطير حمران النواظر


قبيلة لها تارخها المجيد ومواقفها المشرفة




لا هنت أخي خيال الغلباء

بسم الله الرحمن الرحيم

الاخ الفاضل خالد الشماسي السبيعي السلام عليكم ورحمة الله وبركاته وبعد لك الشكر على المرور ولايهونون مطير حمران النواظرهل الردات ويستاهل الشيخ عبدالله بن صياح ماقيل فيه والسلام

[مشعاب]

قصايد جزله




ما قصرت يا خيال الغلباء

[خيَّال الغلباء]

أخي الكريم وشاعرنا الفاضل / مشعاب السلام عليكم ورحمة الله وبركاته وبعد : شكرا جزيلا لك على مرورك الكريم بقصائد الشاعر الكبير / مزيد بن حسن السريحي المطيري في الشيخ / عبدالله بن صياح العزة السبيعي وفي قبيلة سبيع بن عامر الغلباء والله يعافيك ويبارك فيك ويجزاك خيرا هذا وتقبل فائق الشكر والإمتنان مقرونا بجزيل المحبة والإحترام مع خالص التحية وأطيب الأمنيات واسلم وسلم والسلام .

[فهد ابو نايف]

صح لسان الشاعر مزيد المطيري ويستاهل الشيخ عبدالله بن صياح العزة


ولا عليهم زود مطير حمران النواظر


قبيلة لها تارخها المجيد ومواقفها المشرفة




لا هنت أخي خيال الغلباء