قطع العلاقه

[مسلم ابن غبيشان]

حشمت نفسي عن هل الكذب والزود=وعن الردي قطعت سلم العلاقه
وبذلت في كسب الوفاء كل مجهود =ورفعت نفسي عن سفيهاً وعاقه
ولاني على بعض المساعي بمحدود= ولاني على الضايع كثير الشفاقه
مهماحصل لبد من يوم مصيود =وخير من جمعاً بمثله فراقه
يبعد وانا ابعدعنه مامنه لي فود=من قبل تاخذني دروب الحماقه
وثور في وجهه كما ثار بارود=وسقيه من علقم وكدر مذاقه
ووصي اصحابي من الناس فالجود=وبعض البشر يغشهم في نفاقه
ياخذهم ابحيله وله فيهم اقصود=وان جت على الفزعات مافيه طاقه
وترى الرد ي لوكان تاخذه بالرود =يثر بكبدك جرح باين حراقه
تلقاه في كل افرع الطيب مردود=ومن حيث مايكمخ به الريح ساقه
والا ترى الطيب كما الطنب مشدود=يشفيك بسلوبه وكثر اللباقه
وليا نخيته فز ماعنده احقود=يعمل حساب الجود يتبع نطاقه
ينفك لاضامنك ايامك السود=شئاً علن ما ياخذه بالسراقه
اللي يشتت شمل الاصحاب مقرود=مافيه عرقاً من هل الطيب لاقه

[ال ح ك ي م]

صح لسااااااااااانك يابن غبيشان

وعسى الرديان مايكثرون

[مسلم ابن غبيشان]

شكراً على المرور الرائع
لاهنت