بسم الله الرحمن الرحيم
نبذه عن القصيده
هذي القصيده كتبتها يوم كنت في المستشفي والحمد طلعت ......... كتبتها للوالد الله يرحمه
يا بويه لو تموت الناس ماتسوي دموعك ذي
وانا يا بوي ميت قبل اموت وانت محيني
قسم بالله يا بويه لجل عينك شربت الغي
جريت الهم والحرمان وبحر الويل يسقيني
تحملت السنين اللي طوتني في عذابي طي
وصار الجمر بكفوفي وتحت اقدام رجليني
يا بويه ماعلي عمري حسافه ولا بقابي شي
ولكن بطلبك يا بوي تكفا لا تخليني
يا بويه ماابي غيرك يغسل جثتي بالمي
وتكفا قبل لا اتكفن يابويه فكلي عيني
بأمر الله يمكن المحك وارحل في عيني ضي
وودع وجهك الطاهر مع دنياي وسنيني
وخل الناس تحملني وترفع راسي ورجلي
وتاخذني على قبري وتكسب اجرها فيني
واذا جبت القبر يابوي نزلني شو شوي
ووجهني لبيت الله وقبله للمصليني
واذا تقدر ابي صورتك امانه حطها بيدي
لعل الله يشفعلي اذا صورتك بيديني
وحط الطين ودفني وعز اللي يعزي في
ثلاث ايام يابويه يواسواك المعزيني
ورابع يوم يابوي تذكر ضحكتي وعني
تذكر ويش كنت اقول يوم انك تناديني
تذكر يوم كنت انام في ظل لنخيل والفي
تجي يمي تصب الما على وجهي وتصحيني
تذكر جره الموال وصوت في حباله كي
تذكر يوم اغني لك قصيدي وانت توحيني
تذكر ضحكتك لا قلتلك يابوي عشقي هي
تذكر كل شي كان واذكر يوم عبدالله حي
ولكن اسالك بالله يابويه لا تبكيني
تحياتي وانتظرو كتابي الجديد بعنوان ((((عاشق شعر)))
غير متصل
