من الذكاء انك تسوي نفسك احيانا غبي .. لكن من الغباء تسوي ذكي على الاذكياء
سؤال الى القائمين على برنامج شاعر المليون ..
هل السالفه مطبوخه وخالصه خاصة بعد فشلكم في سالفة القرعه اللي على اساسها وزعتوا 8 مجموعات في المرحله الاولى .
وشنهي هالصدفه بالهقرعه اللي ما صارت ولا حلقه فيها اثنين من قبيله وحده .
مثال .. كل حلقه فيه مشارك عتيبي تقريبا .. طيب معقوله ما صاروا مع بعض في مجموعه وحده .
وكم شمري وكم سبيعي وكم مطيري وكم عازمي وكم رشيدي معقوله ولا مره صارت اثنين من قبيله وحده مع بعض!!!!!!!!!
معقوله صدفه ولا مره صاروا اثنين اماراتين مع بعض !!!!!!!!!!!!!!!!!
انا عن نفسي مقتنع تماما وانه مافيه قرعه ولا قالها الله وان المجموعات مترتبه وحتى اللي شاركوا في الحلقه الاولى اللي منهم بدر السبيعي وناصر بن دهيم وبندر المحيا والظاهري كانوا على علم قبلها باسبوع بانهم سيكونون في اول حلقه ومجهزين نفسهم ومسوين بروفه قبلها بيوم .
الكلام الحين على مرحلة 24 بعد ان شاهدنا قرعة البارحه هل سيكون التوزيع على النحو التالي
المجموعه الاولى :
خلف المشعان + 3 شعار
المجموعه الثانيه :
مهدي ال حيدر + 3 شعار
المجموعه الثالثه :
ناصر الفراعنه + 3 شعار
المجموعه الرابعه :
خليل الشبرمي + 3 شعار
المجموعه الخامسه :
شاعر اماراتي مدعوم + 3 شعار
المجموعه السادسه :
(شاعر تبيه اللجنه ) + 3 شعار
اذا سارت القرعه على النحو هذا فهذا يأكد كلامي على انه لافيه قرعه ولا قالها الله وانهم موزعين المجموعات بحيث مبعدين الشعراء المرشحين بقوه لنيل اللقب على مجموعات مع مراعاة عدم وضع اي من ابناء قبائلهم في نفس مجموعاتهم .
جاوبوني
هل لو صوتنا ولا ما صوتنا راح يتأهلون ال 6 شعار الموزعين على راس المجوعات للنهائي شئنا ام أبينا خاصة وان كل مجموعه يتأهل منها واحد ولا نتوكل على الله ونصوت ونخلي النتيجه بذمتكم ؟
هل ممكن نشوف اثنين من قبيله وحده في الحلقه النهائيه ولا بتوزعون الكيكه بالتساوي ؟؟
هل ممكن نشوف بدر السبيعي وناصر الفراعنه السبيعي في النهائي ؟؟؟؟؟؟
هل ممكن نشوف بندر المحيا العتيبي وخالد العتيبي في النهائي ؟؟؟؟؟؟
هل ممكن نشوف جابر البطحي المطيري وهلال المطيري في النهائي ؟؟؟
ولا هالشي مهو بمن سياسة البرنامج
هل اعتمد برنامج شاعر المليون قرعة كاس العالم التي تصنف المنتخبات على مستويات قبل اجراء البطوله بحيث مثلا لا تضع البرازيل والارجنتين في مجموعه وحده , واذا كان هذا صحيح ليه ما صنفوا الشعراء قبل لا يبدء البرنامج وارتاحوا وسوا نفس كاس العالم .
الفرق بينهم وبين الفيفا بان الفيفا واضحه وتعلن عن التصنيف قبل لا تبدء القرعه اما شاعر المليون فهم يصنفون الشعراء ولكن لا يعلنون تصنيفهم وهذا اللي حدهم على انهم يسون قرعه وهميه .
بما انه الحلقه الاولى على الابواب اللي تضم ( خلف المشعان وبدر السبيعي وصالح المري وعيضه السفياني )
وبما انه سياسة البرنامج تضع 50 بالميه نسبه للتصويت ,
هل لو حصل بدر السبيعي او صالح المري في النسبه النهائيه على درجه اعلى من خلف المشعان سوف يتأهلون ام ان الدعوه مطبوخه مع احترامي لخلف المشعان اللي هو قادر بأن يـتـأهل بشعره واللي يمكن لو مافيه تصويت تزكيه اللجنه من دون جمهور ولكن سياسة البرنامج فيها تصويت يعني مافيها شاعر مبدع ولا لا .
اذا هي مطبوخه ريحونا وريحوا المره وعنزه وفكوهم من التصويت .
( انا قارنتهم مع خلف لاني في وجهة نظري الشخصيه خلف موضوع على راس المجموعه ولان هي المجموعه الوحيده اللي نعرفها الحين لحد ياخذ الموضوع بحزازيه )
ملاحظه : هذي وجهة نظري الشخصيه يمكن تختلف مع الكثير منكم واتمنى اقرى وجهات نظركم بخصوص هالموضوع .
نعلم ان المسابقه تهدف الى التجاره والى الربح ونعلم ان كل شي مطبوخ ولكن الكثير يتجاهلون او هم يريدون
ان يتجاهلون هالشي ويتغاضون عنه ..
ولكن نشك بوصول الرسائل . وهل الفائز بالتصويت هي حقيقه انه فاز بالتصويت ام انهم فوزوه لانهم يريدونه بالمسابقه . هناك امور كثير لا نعلم عنها شي وامور نعلم عنها ولكن نتغاضى عنها لا اعلم لماذا ..؟؟
ولكن عسى الله يكتب اللي فيه خير والله لا يهينك على كل حال و مجهودك الرائع .
غير متصل
