منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
لبيكم اللهم لبيك لبيك =لبيك جينا لك فرادات وافواج
لبيك جينا في مشاعرك نرجيك =متلبسين ثياب الاحرام حجاج
حنا تركنا كل شي والطمع فيك =تغفر خطايا عبد لرضاك محتاج
عبدٍ ما يهنى النوم حتى ويرضيك =علّه يصير العفو من نارك سياج
عبدٍ رفع كفه ينادي ويدعيك =عبدٍ خذا ذكرك على دربه سراج
بالمدح والتسبيح يارب يطريك =لسانه بذكرك على طول هداج
لا سلهمت عينه تلزم يناجيك =يارب يا رحمن نرجوك الافراج
عن عبدك اللي كل ما زل ياتيك =يطلبك عفوك ملتبس ذل واحراج
حجيت لك يا رب..يا رب خاشيك =قلبي يلبي والدمع سال ثجاج
قلبٍ سجد فوق المحاني يناديك =يا الله تجعل ضافي العفو لي تاج
واقبل يا ربي حجنا بين اياديك =خالص لوجه الله مبرور الانهاج
غير متصل
