الشاعر الكبير / محمد بن حويل العصيمي يمدح الشاعر الشيخ / مطلق الجرد المليحي رحمه الله

[مسلط 22]

بسم الله الرحمن الرحيم

قال الشاعر الكبير / محمد بن حويل العصيمي العتيبي في الشاعر الشيخ / مطلق بن راشد الجرد المليحي السبيعي رحمه الله وأسكنه الجنة هذه القصيدة :

يا أبو فهد جيتك مسير وناصيك
= منصى الرجال اللي تنصى الرجالي

أنا نصيتك طامع بالوفا فيك
= وأنته تحل معقدات الحبالي

لا تحسب إني طول الأيام ناسيك
= تراك يا كساب الأمجاد غالي

يالجرد ريف اللي من الوقت ناخيك
= تصبح ذرا له عن هبوب الشمالي

وأقول يا مطلق عسى الله يقديك
= على طريق الطايله والعدالي

أبوك في كسب الجمايل مربيك
= مرقيك في روس الهضاب العوالي

أنت الحصان اللي طوال مداليك
= نفخر بذكرك يوم حل المجالي

دنيا ودين وثابتات مواطيك
= وأنت الحكيم اللي تحل الشكالي

وأنت الفهيم اللي تحل الشرابيك
= يوم المضاهي ما كسب راس مالي

جدك على طول الليالي يناديك
= مجنى جدودك من طوال المدالي

أنا أشهد إنه بالجمايل موصيك
= بالجود والمدات ما له مثالي

يا كاسب الطالات نفخر بطاريك
= يا ما عطت يمناك من كل غالي

مدتك جزله حيثها من هقاويك
= وهذي فعايل طيبين الرجالي

أنت الذي تكرم شوارب عوانيك
= وريف لمن يشكي صدوف الليالي

وجهك طليق وواضحات دعاويك
= وأنته لربعك مثل شرب الزلالي

الله من أسباب المقادير ينجيك
= ينجيك يا راع الشحم والدلالي

عساك يا مطلق تنور لياليك
= عز من الله يا كريم السبالي

ولا نستمع للصايع اللي هرج فيك
= ما يفهم أهل الطيب يا هملالي

وأنته طويل ذراع ما فيه تشكيك
= طيبك يعبرلك جنوب وشمالي

الخلق تشهد لك بمدات أياديك
= يا ما عطت من دقها والجلالي

فعايلك بالجود تحمي قوافيك
= تعرف حبالك في المراجل طوالي

تم الكلام وزبدة الهرج تكفيك
= وصلاة ربي عد وبل الخيالي

على الذي ما فيه ريب وتشكيك
= شفيع الأمة يوم ميل وعدالي

وأنتم سالمون وغانمون والسلام .

[وافي السبـيعي]

ياابوفهد جيتك مسير وناصيك= منصى الرجال اللي تنصى الرجالي
انا نصيتك طامع بالوفا فيك =وانته تحل معقدات الحبالي
لاتحسب اني طول الايام ناسيك= تراك ياكساب الامجاد غالي
يالجرد ريف اللي من الوقت ناخيك= تصبح ذرا له عن هبوب الشمالي
واقول يامطلق عسى الله يقديك =على طريق الطايله والعدالي
ابوك في كسب الجمايل مربيك =مرقيك في روس الهضاب العوالي
انت الحصان اللي طوال مداليك= نفخر بذكرك يوم حل المجالي
دنيا ودين وثابتات مواطيك= وانت الحكيم اللي تحل الشكالي
وانت الفهيم اللي تحل الشرابيك =يوم المضاهي ماكسب راس مالي
جدك على طول الليالي يناديك= مجنى جدودك من طوال المدالي
انااشهد انه بالجمايل موصيك =بالجود والمدات ماله مثالي
يا كاسب الطالات نفخر بطاريك =ياما عطت يمناك من كل غالي
مدتك جزله حيثها من هقاويك= وهذي فعايل طيبين الرجالي
انت الذي تكرم شوارب عوانيك =وريف لمن يشكي صدوف الليالي
وجهك طليق وواضحات دعاويك= وانته لربعك مثل شرب الزلالي
عساك يا مطلق تنور لياليك= عز من الله ياكريم السبالي
ولانستمع للصايع اللي هرج فيك= ما يفهم اهل الطيب ياهملالي
وانته طويل ذراع مافيه تشكيك= طيبك يعبرلك جنوب وشمالي
الخلق تشهد لك بمدات اياديك =ياما عطت من دقها والجلالي
تم الكلام وزبدة الهرج تكفيك= وصلاة ربي عد وبل الخيالي
على اللذي مافيه ريب وتشكيك= شفيع الامة يوم ميل وعدالي

[مسلط 22]

الاخ وافي السبيعي السلام عليكم ورحمة الله وبركاته وبعد شكرا جزيلا لك على اعادة صياغة القصيده في هذا البرواز الجميل وشكرا على الاطراء والغلباء تستحق اكثر والسلام

[محمد المليحي]

الله لايهينك يامسلط


والله يرحمه ويسكنه فسيح جناته مع جميع المسلمين


كل الغلا لكـ من أخوكـ

[مسلط 22]

بسم الله الرحمن الرحيم
الاخ محمد المليحي السلام عليكم ورحمة الله وبركاته وبعد شكرا لك وابوفهد رحمه الله يستاهل ومليح شيوخ البوادي يستاهلون كل علم غانم وهم اهله الاد السريحي لاعدمناهم والسلام

[البرق الجنوبي]

الاخ مسلط 22

اختيار موفق ونقل جيد بيض الله وجهك

وقصيدة تستاهل النقل والكتابه اشكرك

البرق

[مسلط 22]

الاخ البرق الساطع السلام عليكم ورحمة الله وبركاته وبعد شكرا على المرور وعلى الثناء على القصيده واختيارها ونقلها والشكر موصول للشاعر ورحم الله الشيخ مطلق الجرد المليحي والسلام

[مسلط 22]

الشيخ مطلق الجرد من الفرسان الذين لايشق لهم غبار ومن الشعراء المقلين وقد حضر السبله مع الشيخ عبد الله بن مدعث وقد اشتهر ببر الوالدين وكانت بندقيته اكبر بنادق سبيع عقبا لما الصق عليها من رمز من جلود وجه الصيد ومن شعره قوله
قم علم اللي يتركون الصلاة ياويلهم لاجاء المحاسب من النار
هو يحسب انه دايمن فى الحياة بيجي نهار فيه بتضيع الابصار
ونار تلضى تطرح الحايمات ياويل والله من تعرض للاخطار
وانتم سالمين والسلام

[السبـــ15ـــيعي]

كفو والله أبو فهد
مطلق الجرد هو جدي
قال ابنه محمد بن مطلق الجرد مرثية في والدة / الشيخ مطلق بن راشد الجرد
سأذكرها في موضوع خاص

[مسلط 22]

بسم الله الرحمن الرحيم
الاخ السبيعي متعب الادغم غفر الله لجدك ابافهد فانه من نوادر الرجال فقد كان الشيخ محمد بن عثيمين رحمه الله يسمح لجدك بالقاء قصائده في حلقة الشيخ محمد بالحرم المكي الشريف رحمهم الله جميعا وما ذلك الا من فراسة الشيح محمد في جدك الشيخ مطلق الجرد رحمهم الله واسكنهم فسيح جناته وانت سالم والسلام