قصيدة تشرفت بآلقائها في حفل معالجة الضواهر السلبية برنية

[حمود الحقي]

بسم الله الرحمن الرحيم

الا يالله يامثبت حزوم الارض بالاوتاد=تثبتناعلى النهج السلم بطبع وعباده
نجود بجودك وكلٍ بجودك يوم جدنا جاد=نباهي بالقصيد وغيرنا فالناس قصاده
بدينا والله يثبت خطانا والبيوت جداد=وحنا فاللزوم اللي يجملنا لنا عاده
ترا ليلٍ جمعنا يالنشاما ثالث الاعياد=على عز وعلى علمٍ يبيّض وجه رواده
عسى ربي يبيض وجه من ساهم وساد وفاد=لو انه ماتقدم طامعٍ في مدح وايشاده
هلا يامرحبا بآسم الجميع بدون ذكر اعداد=واخص ضيوفنا وشيوخنا والروس والساده
اقوله عن محافظنا واهالي موطن الاجداد=وطن من ساند معزي بمحداره ومسناده
يالين الجهل ولى واندثر والامن عم وساد=يعيش ابه السعودي رغم عدوانه وحساده
وهالحينه بعد عم الرخى تنعم به الاحفاد=عسى الله مايغير نعمته ويواخذ عباده
نوصي بعضنا واليا تواصينا ضفرنا زاد=خصوصاً فالامور اللي تطلّب حزم وايراده
نقوم الها جميع الداعيه والشيخ والقصاد=على قول العوارف كل واحد حسب ميراده
واذا الشاعر ماساهم في مجال النصح والارشاد=ينوخ سابقه بخطامها وينزل شداده
بدت بعض الضواهر والضواهر تهدم الامجاد=لكن الجاهل ينبة على عمياه وعناده
انا اشوف السلاح اصبح بسيط وشي سهل وعاد=ولايصحى الغشيم الا ليامن ثور زناده
على اتفه شي جاك امن الحماقه ماسح العداد=بلاله مسلمً واومى عليه ويتم اولاده
تضيق ابه الوسيعه وين يلقى فالبلاد بلاد=وقع وبليس مع باب الحماقه حصل مراده
هنا يدرك خطاه ويلعن الشيطان والاحقاد=قتل نفس ابن عمه والندم والوجد مافاده
وبعضهم يقلب افراحه عزى وقت الفرح وحداد=ذبح خوه وصحيح انه قدر مير السبب صاده
وانا ماجبت لي هرجً يقولونه بدون اسناد=يكم واحد نعرفه فالسجون يسحب قياده
واكيد النفس والشيطان تبغى فالحياه جهاد=لجل هذا يجب ننصح شباب الجيل ورشاده
رسول الله هدانا لطريق الواضح المنقاد=ولو سارت عليه الناس شفت الناس منقاده
فنا اوصي خواني قبل تبدي شرهت النقاد=تعاليم الشريعه مالها فالخلق نقاده
عسانا نستمد النهج من نهج الرسول الهاد=من الخلق ومن الحلم الوسيع وشربه وزاده
وانا من هالمكان اصدح بصوتً لج فالاطواد=لبو متعب مليك قلوب شعبة قايد القاده
ترانا للوطن درع وذرا وقت الوغى وعتاد=لنا بيعة ولا.. يشهد بها التاريخ وامجاده
متى مانبنا صوت الوطن مترامي الابعاد=تلاحمنا ولبينا المنادي شعب وقياده

حمود بن قاسي السبيعي

[الشماسي]

صح لسانك يا ابو قاسي

تسلم على القصيده التي عالجت قضايا عدة

[حمود الحقي]

المشاركة الأصلية كتبت بواسطة الشماسي

صح لسانك يا ابو قاسي

تسلم على القصيده التي عالجت قضايا عدة

صح بدنك يالشماسي..

ومن يقول سالم وغانم وعسى الله ينفع بها..


تحياتي

[خالد الشماسي]

صح لسانك يا ابو قاسي

مبدع كالعادة لاهنت

[حمود الحقي]

المشاركة الأصلية كتبت بواسطة خالد الشماسي

صح لسانك يا ابو قاسي

مبدع كالعادة لاهنت

صح بدنك يابو عمر..

ماعليك زود والابداع مرورك طال عمرك..

تحياتي

[فاهم النظرة]

صح لسانك ياحمود على هاالابداع الي غير مستغرب منك والله يجزاك خير ويثيبك ويجعله في موازين حسناتك

[حمود الحقي]

اقتباس:
المشاركة الأصلية كتبت بواسطة فاهم النظرة
صح لسانك ياحمود على هاالابداع الي غير مستغرب منك والله يجزاك خير ويثيبك ويجعله في موازين حسناتك

صح بدنك ولاهنت يابو سيف..

والابداع مرورك وتشريفك..

والمعذره على التآخير..


تحيااااااتي