منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
لابيض الله وجه الايام فيني=تركزلها السوداء على كل نايف
عابت وقفت بالغضي نور عيني=واستبدلت سجات قلبي حسايف
كانت تمنيني بشوفت ضنيني =وتقول بكره يلتقون الولايف
وابكي من الفرحه ويضحك جبيني =واقول هانت والسفاير نكايف
واحاول ارقد لجل بكره يجيني=مثل الغرير اللي من الليل خايف
واغمض اعيوني ويبدى ونيني=وارقد على صوت البكى والحلايف
واصحى على صوت الشقى يحتريني=يقول يالله صبحنا اليوم كايف
ياصدري المرتوق بيح كنيني=هات النحيب افراد ولا ردايف
هد الظلوع اللي براها حنيني=كم ذا لها من يوم صارت شرايف
للي بها من كثره الغيء ليني=يقسم بعضها عود منتوق هايف
الي متى شوقي لاها مبتليني=إلى متى وجروح قلبي نزايف
حسبي على من حال بينه وبيني=لاشك مايدري بخمر الشفايف
كاس قبل ماشربه سكرت يميني=ذقته وانا في وسطه الموت شايف
انا بدرب الحب عديت حيني=انا وصلت لمرحلات الشغايف
ليت العذاب يقال ياعاذليني=واقول وش سوت بحالي اللهايف
سوت وسوت كملتها سنيني=والاخذت باقي العمر غير النصايف
التعديل الأخير تم بواسطة أبو يزيد ; 03 - 01 - 2007 الساعة 00:16
غير متصل
