عـــز الرياض قصيدتي الفائزه في مسابقة السامر

[هاجد صنيدح]

عز الرياض وعـز وادي حنيفـه =وعز الاماره والامـور العظايـم
عدل الحكم سلمـان بالعـز ريفـه =خمسيـن عـامٍ كلبوهـا غنـايـم
تبصر بعدلـه عيـن حـيٍ كفيفـه =المجد له والطيـب والعـز دايـم
ابيض وجه سلمان وابيض صحيفه =ميزان حـقٍ ماتجـي بـه ظلايـم
ابو فهـد سلمـان مابـه وصيفـه =ولاله شبيـه بـلا بسيـن العمايـم
للجـود يمنـاه الكريمـه حليفـه =مـده جزيـل ولايمـد الهـلايـم
راع المواقف والحمـول الكليفـه =سّوه على راع الفتـن والجرايـم
على العدو سطـوة يمينـه عنيفـه =واما على المحتاج مثـل النسايـم
القلـب طيـب والنوايـا نظيـفـه =وبالحق صاطي ماخشى لوم لايـم
دارٍ بهـا سلمـان دايـم مريـفـه =ماتشتكـي جورالزمـن والهزايـم
من دونها حد السيـوف الرهيفـه =اليوم وايضـا مـن سنيـنٍ قدايـم
شوف الرياض شلون صارت منيفه =حازت على كل النسب والعلايـم
من حبها صـارت لقلبـه وليفـه =يسهر لهـا سلمـان والكـل نايـم
قصة وفاء قصـة محبـه عفيفـه =هو هايمٍ فيهـا وهـي بـه مهايـم
خمسين عامٍ عايشـه فـي كنيفـه =ترفل بخير وعـز والحـظ قايـم

[ربح السبيعي]

صح لسانك يابن صنيدح



على هالقصيده الجزله والرائعه



وتستاهل القصيده الفوز ويستاهل صاحبها

[ناصر المديري]

صح لسانك يا هاجد بن صنيدح وكفو والله وعالبركة الفوز وتستاهل احسن من المركز الثامن

[فـــالح السبيعي]

هاجد صنيدح

صح لساااانك مليون يابطل

أبدعت الحقيقه وقصيده تستحق الفوز والجائزه

لله درك وننتظر المزيد من إبداعاتك

دمت بمحبه

[((ابوحمود))]

رائعه بماتحمل هذه الكلمه من معنى بارك الله فيك


ومبروك على الفوز