عودة مره اخرى بعد غياب سنين ( الاسبوع الثاني )

[خربوش بن حنتوش]

السلام عليكم ورحمة الله وبركاته

كيف الاحوال ؟

اشغلتنا عنكم الدراسات العليا .... <<< جايب الدكتوراه على باله

اشغلتنا عنكم الدنيا كفنا الله وياكم شرها .

هذا موضوع الحاله عند بعضنا بعد النجاح من الثانويه :

http://www.sobe3.com/vb/showthread.php?t=1541

مشاركه قديمه كنت ناوي فيها اسوي مشروع اسبوعي زي جريدة الرياض :shine:
ولكن حال دون الضب ارنب .... وعدنا مره اخرى لاستكمالها .

ذكرتني مشاركتي القديمه ذي يالربع اخوان اعزاء والله ان ودي اسال عنهم واحد واحد ....
بعضهم شفته وبعضهم والله من تصفحي للمنتدى غايب له مده طويله ... الله يجعلهم بخير

الموضع لها الاسبوع الحب وما ادراك مالحب والغرام :

خربوش جر الصوت والهم فرّه = ويبست عروق القلب في جوف خربوش
راحت حياته بين حلوه ومرّه = بين الأمل والياس ضاع إبن حنتوش
وواجد عينه فالهوى الجيب طرّه = والعظم من خله غدا اليوم مبروش
كله سبب من شاف منه المضرّه = الليَ غلاه بداخل الصدر مرشوش
مايدري انه صار قلبه مقرّه = واسمه بداخل داخله صار منقوش
سم الهوى في ثومة القلب ذرّه = سريع بالمفعول ماهوب مغشوش
شوفه شفى شوفه بخيره وشرّه = وغيره من العالم عن الشوف مكروش

وسلامكتم ولنا لقاء في موضوع جديد الاسبوع القام


والسلام عليكم ورحمة الله وبركاته

[مسعود الحويزي]

هلا والله بـ خربوش مرحبااااا مليون مره اخرى

واتمنى نجاح مشروعك في منتداك ...

والله انك صدقت في كثير من الاخوه فقدناهم هنا

ولكن تجدد الامل عندي بعودتك لنا انهم ايضاً سوف يعودون

وصح لسانك مليووووووووووووووون مره

والحب والغرام في هذا الاسبوع سوى سوايا ههههههههههه

وبشرني عن موضوعك الاول اضنك توظفت بس ومهدي وش سوى ههههههههه

في انتظارك ومتابعت اسابيعك ههههههههههه قصدي جديدك.

تحياتي لك

[قائد الطائره]

صح لسانك ياابن حنتوش

[ماضي المديري]

سعداء في عودتك وياهلا وغلا
مرحبابك في منتداك
في انتظارك ومتابعت جديدك.
تحياتي لك